7 Apr 2012

မလေးရှားအစိုးရနှင့် မြန်မာအစိုးရကြား မြေဇာပင်ဖြစ်ရရှာဦးမည့် မြန်မာအမျိုးသမီးများဘ၀ (ပေးစာ)


မောင်လူဝေးဧပြီ ၈၊ ၂၀၁၂

ပြီးခဲ့သောတရက် နှစ်ရက်ကလားမသိ ..မလေးရှားအစိုးရ ၀န်ကြီးချုပ် နာဂျစ်ဦးဆောင်သောအစိုးရအဖွဲ့နှင့်အတူ မလေးရှားလုပ်ငန်းရှင်များ လည်း တအုပ်ကြီးလိုက်ပါသွားသည့်သတင်းကို မလေးရှားတီဗွီ TV.3 ချယ်နယ်မှလည်းကောင်း၊ အင်တာနက်သတင်းဝက်ဆိုက်ဒ်များ မှတ ဆင့် ကြားလိုက်မြင်လိုက်ရသည်။
ကျနော့်မိတ်ဆွေတဦးမှလည်း ကျနော့်ထံသို့ ညဖက်ကြီး ဖုန်းဆက်အကြောင်းကြားလေသည်။ အကိုရေ ..မလေးရှားဝန်ကြီးချုပ်နာဂျစ် မြန်မာပြည်ကိုသွားပြီဗျ..တဲ့။ ကျနော်သိလိုက်သည်။ ဟုတ်မယ်..ဗျ။ သူတို့က မြန်မာပြည်မှာ စီးပွားရေးလုပ်ဖို့အတွက် သွားတာပါ။ မြန်မာ ပြည်သူပြည်သားများအတွက် ဘာမှဝမ်းသာစရာမရှိပါဘူး။ ဘာဖြစ်လို့ဆိုတော့ ဒီမလေးရှားနိုင်ငံရဲ့အကျိုးစီးပွားနဲ့ မြန်မာစစ်အစိုးရ တပိုင်း ဦးသိန်းစိန်အစိုးရက လူတွေရဲ့အကျိုးစီးပွားအတွက် သွားတာပါလို့ ကျနော် ဖုန်းထဲကနေပြန်ပြောလိုက်မိတယ်။
တကယ်လည်း မြန်မာပြည်သူပြည်သားများ အတွက်မပါ ပါဘူး။ မလေးရှားအစိုးရဟာ မြန်မာနိုင်ငံကို ဒီမိုကရေစီအရေးကို ထောက်ခံပါတယ်လို့ ၀တ်ကျေ တန်းကျေ သံတမန်စကားလုံးလေးအရလွဲပြီး အင်တိုက်အားတိုက် ဘယ်တုန်းကမှ မရှိခဲ့ပါဘူးလို့ပါ။
အာရှကျားတကောင်ဖြစ်လာအောင်လုပ်ဆောင်နိုင်ခဲ့တာကိုတော့ ချီးကျုးစရာဖြစ်ပေမဲ့ … မလေးရှား အတိုက်အခံပါတီတွေကို နိုင်ငံရေး အရနှိပ်ကွပ်ခဲ့ပုံတွေကတော့ သူကလည်း တော်တော်လက်သံပြောင်ပါတယ်။ အခုမကြာသေးတဲ့ကာလကမှ အမှုမှပြန်လည်လွတ်မြောက် လာတဲ့ အတိုက်အခံခေါင်းဆောင် အန်နာဝါအီဘရာဟင်ဟာ အဲဒီ မဟာသီလက်ထက်ကတော့ ဒုဝန်ကြီးချုပ်တဦးဖြစ်ခဲ့ပေမဲ့ မဟာသီရဲ့ နိုင် ငံရေးအရ နှိပ်ကွပ်ချင်လာတဲ့အခါမှတော့ ..ယောင်္ကျားချင်း ကာမဆက်ဆံတယ်၊ (SODOMY ) တယ်ဆိုပြီး ဇွတ်အတင်းထောင်ချပစ်ခဲ့ပါတယ်။
ဗမာပြည်က စစ်အစိုးရလို မဟာသီကလည်း ယဉ်ယဉ်လေးနဲ့လက်သံပြောင်ခဲ့သူပါ။
အခုမြန်မာပြည်ကိုရောက်နေတဲ့ မလေးရှားအစိုးရ၀န်ကြီးချုပ် နာဂျစ်ဦးဆောင်တဲ့အဖွဲ့ဟာ နှစ်နိုင်ငံစီးပွားရေးကိစ္စတွေ ဆွေးနွေးဖို့ ရောက်ရှိပြီး နေပြည်တော်က စစ်အစိုးရတပိုင်း ဦးသိန်းစိန်အစိုးရနဲ့ ဆွေးနွေးနေတယ်ဆိုပါတယ်။ သူတို့ဆွေးနွေးတာ..မဆွေးနွေးတာကို ကျနော်စိတ် မ၀င်စားပါဘူး။ ဘာဖြစ်လို့စိတ်မ၀င်စားလည်းပြောရရင် မြန်မာပြည်က ဦးသိန်းစိန်ဦးဆောင်တဲ့ စစ်တပိုင်းအစိုးရဟာ သူတို့လုပ်ခဲ့သမျှ လုပ် ငန်းမှန်သမျှဟာ မြန်မာပြည်သူပြည်သားများအတွက်တော့ ဘာမှအကျိုးကျေးဇူး မဖြစ်လာဘူးဆိုတဲ့အချက်နဲ့ .. နောက်တချက်က လာ ရောက် ရင်းနှီးမြုပ်နှံတဲ့ နိုင်ငံခြားတိုင်းပြည်နဲ့ မြန်မာပြည်က စစ်တပိုင်း ဦးသိန်းစိန်အဖွဲ့အစိုးရကလူတွေအတွက်သာလျှင် ကွက်ကွက် က လေးသာ ကောင်းစားသွားတာတွေချည်းပဲမို့ ကျနော်စိတ်မ၀င်စားဘူးလို့ ပြောခြင်းဖြစ်ပါတယ်၊
ဗိုလ်ခင်ညွှန့်ကောင်းစားစဉ်ကာလက ၁၉၉၇ ခုနှစ်မှာ မြန်မာနိုင်ငံကို အာစီယံအဖွဲ့ကြီးထဲကို ဇွတ်သွင်းပေးခဲ့တဲ့နိုင်ငံပါ။ အဲဒီကာလက မလေး ရှားဝန်ကြီးချုပ်ဟာ မဟာသီယာမိုဟာမက်ဖြစ်ပါတယ်။ မဟာသီဟာ မလေးရှားနိုင်ငံကို စီးပွားရေးဖွံ့ဖြိုးတိုးတက်လာအောင်၊ ဒါဖြင့်ရင် ..စိတ်မ၀င်စားရင် ဘာဖြစ်လို့ထည့်ပြောနေလည်းမေးလာရင် ကျနော်ဖြေပါ့မယ်။
မလေးရှားအစိုးရနဲ့ မြန်မာပြည်က ဦးသိန်းစိန်အစိုးရတို့ နေပြည်တော်မှာ စီးပွားရေး ရင်းနှီးမြုပ်နှံမည့်ကိစ္စတွေအပြင် ..မြန်မာပြည်မှ မြန်မာ အမျိုးသမီးများအား မလေးရှားကို အိမ်ဖော်အဖြစ်နှင့် အလုပ်လုပ်ကိုင်နိုင်ရန်စေလွှတ်ပေးဖို့ ဆွေးနွေးခဲ့တယ်ဆိုတဲ့သတင်းကို ကျနော်တို့ သိရှိလိုက်ရတဲ့အတွက်…. ကျနော်ဒီစာလေးကို ချက်ခြင်းတင်ပြလိုက်တာပါ။
မလေးရှားမှာ အများဆုံးအိမ်ဖေါ်အလုပ်၊ တနည်း အစေခံအလုပ်ကို များသောအားဖြင့် တောနေ အင်ဒိုနီးရှားအမျိုးသမီးများနှင့် ဖိလစ်ပိုင် အမျိုးသမီးများသာ လုပ်ကိုင်ကြတာပါ၊ အင်ဒိုအမျိုးသမီးများက အများဆုံးပါ။ ဘာဖြစ်လို့လည်းဆိုတော့ အင်ဒိုနီးရှားလူမျိုးများရဲ့စကားဟာ မလေးရှားစကားနဲ့ တူပါတယ်။ အင်ဒိုစကားလဲ သက်သက်တော့ရှိပါတယ်။ အင်ဒိုနီးရှားလူမျိုးအားလုံးက မလေးရှားစကားကို ပြောနိုင်ပါ တယ်။ နောက်တချက်က နိုင်ငံချင်းကလည်း နီးပါတယ်။ ကိုးကွယ်ယုံကြည်မှုဘာသာလည်း တူကြပါတယ်။ အဲဒီလို ဘာသာတူ စကားတူတဲ့ အင်ဒိုနီးရှားအိမ်ဖေါ်တွေကို မလေးရှားအိမ်ရှင်များက ခဏခဏနှိပ်စက်လို့ ပြသာနာခဏခဏတက်နေဆဲပါ။
အဲဒီအတွက် အင်ဒိုနီးရှားအစိုးရတာဝန်ရှိသူတွေက သူတို့နိုင်ငံသူများအတွက် ၀င်ရောက်ကူညီမှုတွေ အပြည့်ရှိပါတယ်ဆိုတာတောင်မှ မ လေးရှားအိမ်ရှင် တရုတ်အများစုကတော့ အိမ်ဖော်ကို “ကျွန်” သဖွယ်ခိုင်းစေရုံသာမက ကိုယ်ထိလက်ရောက် နှိပ်စက်လျှက်ပါပဲ။ အိမ်ရှင်မှ အိမ်ဖော်အား ဓားနဲ့မွှန်းခြင်းများ၊ မီးပူဖြင့်ကပ်ခြင်းများ၊ တုတ်ဖြင့်ရိုက်နှက်ခြင်းများ နည်းမျိုးစုံနှိပ်စက်ပါတယ်။ မလေးတရုတ်လူမျိုး အများစု ဟာ နိုင်ငံခြားသား အလုပ်သမားများအပေါ်မှာ ရက်ရက်စက်စက် ကိုယ်ချင်းမစာ ခိုင်းလေ့ရှိပါတယ်။ နောက်ပြီး လစာကိုလည်း တန်ရာ တန်ကြေး မပေးပါဘူး။ ကျနော်တို့ မြန်မာလူမျိုးအများစုဟာ အင်္ဂလိပ်စာစကား အရမ်းအားနည်းကြပါတယ်။ အဲဒီအတွက် အများကြီး အ ခက်အခဲ ရှိပါတယ်။
မလေးနိုင်ငံသုံး မလေးစကားကိုလည်း အင်ဒိုနီးရှားအမျိုးသမီးတွေလို မပြောနိုင်တော့ ပိုလို့သာဆိုးစရာအကြောင်းရှိပါတယ်။ နောက်တချက် မြန်မာသံရုံးနဲ့ အင်ဒိုနီးရှားသံရုံးဟာ မိမိနိုင်ငံလူမျိုးတွေကို ကြည့်ရှုစောင့်ရှောက်တဲ့နေရာမှ မိုးနဲ့မြေလို အရမ်းကွာပါတယ်။ အင်ဒိုနီးရှားသံရုံး က နိုင်ငံသားများ ပတ်စ်ပို့လဲခြင်း၊ ပျောက်လို့ ပတ်စ်ပို့အသစ်လျှောက်ခြင်းကိစ္စတွေမှာ အရမ်းမြန်ပါတယ်။ ပတ်စ်ပို့စ်ပျောက်လို့ အသစ် လျှောက်ပါက ထူးထူးထွေထွေ သိပ်မပြောရပါ။ အလွန်ဆုံးကြာရင် တရက် နှစ်ရက်ပါပဲ။ ပတ်စ်ပို့ကြေးသွင်းရငွေကလည်း မလေးရှားရင်းဂစ် ၅၀ အောက်ပဲရှိပါတယ်။
ကျနော်တို့ မြန်မာသံရုံးကတော့ ပတ်စ်ပို့ပျောက်လို့ သွားအကြောင်းကြားရင် မချေမငံဆက်ဆံပါတယ်။ ပတ်စ်ပို့ကြေးသွင်းရတဲ့ငွေဟာ မလေးငွေ ရာကျော်ရှိပါတယ်။ တခြားနိုင်ငံသံရုံးများမှ ကောက်ခံတဲ့ငွေနဲ့နှိုင်းယှဉ်လိုက်ရင် အရမ်းများလွန်းတဲ့ငွေပါ။ ၎င်းအပြင် မည့်သည့်နိုင် ငံမှ မရှိသော၊ မကောက်သော TAX အခွန်ငွေကိုလည်း လက်ရှိဆက်လက် ကောက်ခံနေဆဲပါ။
များမကြာခင်က ဦးသိန်းစိန်အစိုးရမှကြေငြာလိုက်သော နိုင်ငံခြားရောက်မြန်မာနိုင်ငံသားများအားလုံး TAX အခွန်ပေးဆောင်ရန်မလိုတော့ ကြောင်း ကြေငြာပေးခဲ့ပေမဲ့ မလေးရှားရှိ မြန်မာသံရုံးကတော့ ၂၀၁၂ ခုနှစ်၊ ဇန်န၀ါရီလမှ စမှာဖြစ်သောကြောင့် ၂၀၁၂ ခုနှစ်မတိုင်ခင် နှစ် များက အကြောင်းအမျိုးမျိုးကြောင့် TAX မဆောင်နိုင်သူများ ယခုအခါ ပတ်စ်ပို့အသစ်လဲလှယ်ခြင်းများ ဆောင်ရွက်ပေးနေတဲ့အချိန် ဖြစ် တော့ ပတ်စ်ပို့အသစ်လဲလှယ်လိုသူများအားလုံး TAX အခွန်ကြေးကို ၂၀၁၂ ခုနှစ်မတိုင်ခင်က နှစ်တွေအားလုံးအတွက် သိမ်းကျုံး ကောက် နေပါတယ်။ TAX မပေးနိုင်ပါက ပတ်စ်ပို့မလဲပေးပါဘူး။ ပတ်စ်ပို့သက်တမ်းတိုးသူများလည်း ထိုနည်းအတိုင်းပါပဲ။ ၂၀၁၂ မတိုင်ခင်က နှစ်တွေအားလုံးကိုတွက်ပြီး TAX အခွန်ကောက်ပါတယ်။ TAX အခွန်မပေးနိုင်ပါက ပတ်စ်ပို့သက်တမ်း လုံးဝမတိုးပေးပါဘူး။ လက်ရှိမြန်မာ သံရုံးကတော့ TAX အခွန်ငွေကို မိမိနိုင်ငံသားများ အလုပ်အဆင်ပြေ မပြေ လုံးဝမစဉ်းစားဘဲ ပျော်ပျော်ကြီးကို ကောက်ခံနေဆဲပါ။
နောက်ပြီး မလေးရှားမှာအလုပ်လာလုပ်သူမှန်သမျှ အားလုံးဟာ မလေးရှားအစိုးရကို အလုပ်လုပ်ခွင့်ပါမစ် ( work permit ) ကြေးလည်း မလေးအစိုးရကို ပေးဆောင်ရပါတယ်။ ဆိုတော့ မြန်မာနိုင်ငံသားအားလုံးဟာ မလေးအစိုးရကိုလည်း အလုပ်ပါမစ်အတွက် အခွန်ပေး ဆောင်ရ၊ နောက်တခါ မြန်မာသံရုံးကိုလည်း ဘယ်နိုင်ငံမှမကောက်တဲ့ မယူတဲ့ TAX အခွန်ငွေကို ပေးဆောင်နေရတဲ့အတွက် အခွန်နှစ် ထပ်ပေးဆောင်နေရပါတယ်။
မလေးရှားမှာ အလုပ်လုပ်လို့ရတဲ့ လစာက အများစုက တလကို မလေးငွေ ရင်းဂစ် ၆၀၀ နဲ့ ၉၀၀ တန်းပဲရှိတာမို့ ဘယ်လိုမှ အဆင်မပြေကြ ပါဘူး။ မြန်မာပြည်ပြန်ရင် အလုပ်ကမရှိ၊ လာစဉ်က ချေးဌားလာရတဲ့ အကြွေးတွေကရှိနေတော့ ပြန်လို့မရဖြစ်နေတာ အများစုပါပဲ။ အဲဒီ အထဲက တချို့သာလျှင် ကိုယ်ပိုင်အလုပ်လေးတွေထွင်ပြီးလုပ်နိုင်ကြလို့ တချို့လည်း လုပ်သက်တွေအရမ်းကြာလာလို့သာ နေထိုင်နိုင်ကြ တာပါ။ နောက်ပြီး မလေးရဲကလည်း နိုင်ငံခြားသူအလုပ်သမများ အလုပ်လုပ်ခွင့်ပါမစ်မရှိရင် ဖမ်းဆီးပြီး လိင်ပိုင်းဆိုင်ရာစော်ကားမှုတွေ လုပ် ပါတယ်။ ပါမစ်ရှိရင်တောင်မှ ရဲက နည်းအမျိုးမျိုး အကြောင်းအမျုိးမျိုးပြပြီး ငွေညှစ်ပါတယ်။ မပေးရင် ပြသာနာရှာပါတယ်။
အလုပ်ကအဆင်မပြေ အလုပ်ကအဆင်ပြေရင်လည်း လစာကအရမ်းနည်း၊ လစာနည်းရတဲ့အထဲ မြန်မာသံရုံးကို အခွန်ပေးရ။ မလေးရှား အစိုးရကို ပါမစ်ကြေး အခွန်ပေးရဆိုတော့ အဆင်မပြေမှုတွေ များသထက်များလာရင်း နောက်ဆုံးတော့ မြန်မာအမျိုးသမီးတချို့ မလုပ်သင့် တာတွေကို လုပ်မိလျက်သား ဖြစ်လာရပါတော့တယ်။ ငွေကြောင့် တခြားနိုင်ငံသားများနှင့် လိင်ကိစ္စတွေ ရှုပ်ရှက်ခတ်ကုန်ပါတော့တယ်။ အဲဒီအဖြစ်အပျက်အခြေခံ အကြောင်းတရားများဟာ မိမိနိုင်ငံရဲ့အစိုးရ ညံ့ဖျင်းမှု၊ မကောင်းလို့သာ ဖြစ်ပေါ်လာရတဲ့ ပြဿနာတွေသာ ဖြစ် တာမို့ လက်ရှိမြန်မာအစိုးရဆိုသူတွေမှသာ တာဝန်အရှိဆုံးပါ။
ခုတခါ မြန်မာအမျိုးသမီးများ မလေးရှားကို အိမ်ဖော် တနည်း.. အိမ်စေ အစေခံအနေနဲ့လွှတ်ဦးမယ်ဆိုရင်တော့ လက်ရှိအစိုးရက ဘယ်လို တာဝန်ယူမှာလဲ..? မလေးရှားရှိ မြန်မာသံရုံးကတော့ ပတ်စ်ပို့ကို အာဏာပိုင်အဖွဲ့အစည်းမဟုတ်တဲ့ အေးဂျင့်လူပွဲစားက တရားမ၀င်သိမ်း ထားတာတောင် ရအောင်ပြန်မတောင်းပေးနိုင်ပါဘူး။ ကျနော်တို့ ပတ်စ်ပို့နောက်ကျောအဖုံးအတွင်းမှာ …(သတိပြုရန်အချက်) ဆိုတဲ့ခေါင်း စဉ်အောက်က အတိအလင်းရေးထည့်ထားတာရှိပါတယ်။
… နိုင်ငံခြားတိုင်းပြည်များဆိုင်ရာ အရာရှိများမှတပါး အခြားမည်သူကမှ ဖြည့်စွက်ခြင်း၊ ပြောင်းလဲခြင်း၊ ဂဏန်းအမှတ်အသားများပြုလုပ် ခြင်း၊ မပြုလုပ်ရ..လို့ ပါရှိပါတယ်။ အာဏာပိုင်အဖွဲ့အစည်းမဟုတ်တဲ့ (လူပွဲစားအေးဂျင့်) များကတော့ ရောက်လာတဲ့မြန်မာနိုင်ငံသားလူသစ်များကို လေဆိပ်ကနေဖမ်းပြီး ပတ်စ်ပို့ကို ပတ်စ်ပို့မှာ အလုပ်လုပ်ခွင့်ပါမစ်ကပ်ရန်အကြောင်းပြပြီး တခါတည်း သိမ်းလိုက်ပါတော့တယ်။
အမှန်မှာမူ နိုင်ငံကူးပတ်စ်ပို့အား ဥပဒေအရ လူပွဲစားအေးဂျင့်များက သိမ်းခွင့်မရှိသလို … မြန်မာပြည်တွင်းမှာလည်း စာချုပ်စဉ်ကတည်းက ပတ်စ်ပို့ကို လူပွဲစားအေးဂျင့်များက အကြွေးကျန်သူများ အကြွေးမကျေသေးပါက ပတ်စ်ပို့သိမ်းထားမည်ဟုလည်း စာချုပ်ထဲထည့်သွင်း ရေး ထားလို့ မရပါဘူး။ ရေးခဲ့ရင်လည်း ဥပဒေအရ အကျုံးမ၀င်ပါဘူး။ သို့သော် မလေးရှားလူပွဲစားအေးဂျင့်များကတော့ ပြောင်ပြောင်တင်းတင်း ပင် ရောက်စဉ်ကတည်းက လေဆိပ်မှာတင် ပတ်စ်ပို့ကို တခါတည်းသိမ်းပါတော့တယ်။
အဲဒီပြဿနာများကို မြန်မာသံရုံးမှသိသော်လည်း မျက်နှာပြောင်တိုက်ကာ ဘာမှမဆောင်ရွက်ပေးခြင်းမရှိဘဲ ရှိနေလျှက်ပါ။ တခြားပြဿနာတစုံတရာပေါ်ပေါက်ခဲ့လို့ မြန်မာသံရုံးသို့ သွားရောက်အကြောင်းကြားခဲ့ရင်လည်း ဘာမှဆောင်ရွက်ပေးတာမရှိသလို ဘာမှလည်းဆောင်ရွက် နိုင်တာမရှိခဲ့ပါ။
ကျနော် အင်တာနက်တွင် ဗွီအိုအေမှ ဒေါ်ခင်စိုးဝင်းနှင့် မြန်မာနိုင်ငံခြားေ၇းဝန်ကြီး ဦးဝဏ္ဏမောင်လွင်နှင့်အင်တာဗျုးတွင် မြန်မာနိုင်ငံခြားရေးဝန်ကြီးက သံရုံးအားလုံးအား မြန်မာနိုင်ငံသားများအား အခက်အခဲပြဿနာများကို ကူညီဖြေရှင်းဆောင်ရွက်ပေးရန် ညွှန်ကြားထားပြီး ဖြစ် ကြောင်းဖြေဆိုခဲ့တာကို ပြန်လည်ကြားယောင်ရင်း မလေးရှားသို့ .. မြန်မာအမျိုးသမီးများအိမ်ဖော် တနည်း အိမ်အစေခံနှင့် အလုပ်လာလုပ် ဦးမည်ဆိုရင်တော့ ကျနော်တို့ မြန်မာအမျိုးသမီးလေးများအရေး မတွေးဝံ့စရာတွေဖြစ်လာတော့ ဧကံဖြစ်ကြောင်း တင်ပြလိုက်ရပါတယ်။
(မှတ်ချက်။ ။ မလေးရှားမှ အိမ်ဖော် အိမ်အစေခံ မြန်မာအမျိုးသမီးများအလိုရှိနေခြင်းမှာ အင်ဒိုနီးရှားနိုင်ငံမှ အင်ဒိုအမျိုးသမီးများ အိမ်ဖော် အဖြစ် မလေးရှားကို သွားရောက်အလုပ်လုပ်ခြင်းကို ခွင့်မပြုတော့လို့ဖြစ်ကြောင်း နောက်ဆက်တွဲသိရကြောင်းပါ။)

NLABR
Web-site: www.nlabr.com
Blog: http://wanna23-23.blogspot.com/