29 Jun 2014

ကန်စွန်းရွက်ဖြင့် အသားအရေ လှပအောင် ထိန်းသိမ်းနည်း



ကန်စွန်းရွက် သည် ကျန်းမာရေး အတွက် အထောက်အကူ ဖြစ်စေရုံ သာမက အသားအရေ ကို လှပ သန့်ရှင်း စေလိုသည့် ပျိုမေတို့ အတွက် အကောင်းဆုံး အဖော်မွန် ဖြစ်ပါသည်။

ဝက်ခြံ ၊ တင်းတိပ် ၊ အမည်းစက် များနှင့် မျက်နှာ အသားအရေ အရောင်မညီ ဖြစ်ခြင်းများ အတွက် စိတ်မပျက် ပါနှင့်။ ကန်စွန်းရွက်ကို ကြိတ်ပြီး ယင်း အရည် တစ်မျိုးတည်း လိမ်းပေးခြင်းဖြင့် သက်သာ လာစေနိုင်သည်။ ကန်စွန်းရွက် သတ္တုရည် စားပွဲတင်ဇွန်း ၄ ဇွန်းကို ပျားရည် တစ်ဇွန်းနှင့် သမအောင် မွှေကာ ခန္ဓာကိုယ်ကို နေ့ည ပုံမှန် လိမ်းပေးခြင်းဖြင့် လည်း အသားအရေ ကို ၀င်းလက် စိုပြေလာ စေနိုင်သည်။

ဆံပင် မသန်၍ စိတ်ညစ်နေ သူများ အတွက် ကန်စွန်းရွက် အရည်ကို ညှစ်ပြီး ဦးရေပြားထဲ စိမ့်ဝင်အောင် နှိပ်နယ် ပေးခြင်းဖြင့် ဆံကေသာကို အရှည်မြန် စေမှာ ဖြစ်သည့်အပြင် ဗောက် များကိုလည်း ကင်းစင် စေပါသည်။ မီးဟပ်ခြင်း နှင့် မီးလောင် ဒဏ်ရာများ အတွက် ကန်စွန်းရွက် အရည်ကို သကြား နှင့် ရောစပ်ကာ လိမ်းပေးခြင်း ဖြင့် အပူလောင်ခြင်း ကို သက်သာစေကာ အမာရွတ် မကျန် ပျောက်ကင်း စေနိုင်သည်။

ယနေ့ ကမ္ဘာတွင် ကျန်းမာရေး အမြင်ရှိသူ တိုင်းသည် သစ်သီးဝလံ နှင့် ဟင်းသီးဟင်းရွက် များက ကျန်းမာရေး အထောက် အကူပြု အာဟာရ အစားအစာ များအဖြစ် အရေးပါပုံ ကို သိမြင် လက်ခံ လာကြပြီ ဖြစ်သည်။ ယင်းကြောင့် မိမိတို့ ပတ်ဝန်းကျင် တွင် ငွေကုန် သက်သာကာ အလွယ်တကူ ရရှိနိုင်ပြီး ကျန်းမာရေး ကို အထောက်အကူ ဖြစ်စေမည့် ကန်စွန်းရွက်ကို စားသုံး ပေးကြပါရန် တိုက်တွန်း ရေးသား လိုက်ရပါသည်။

ဖိုးသန့်
PyiChitThar


ဆေးသိပ္ပံပညာမှတွေ့ရှိသော ဆင်တုံးမနွယ်



၁၉၇၀ ပြည့်နှစ် အစောပိုင်းကာလတွေကစပြီး အနောက်တိုင်းဆေးပညာနယ်ပယ်မှာ စတီးရွိုက်မပါတဲ့ အကိုက်အခဲပျောက်ဆေးတွေ အသုံးများတွင်ကျယ်လာတာနဲ့ တစ်ပြိုင်နက်လူတွေရဲ့ အစာအိမ်ကိုပါ ဥပဒ်ပေးလာတယ်ဆိုတာကိုပါ ဆေးပညာရှင်တွေ သတိပြုလာမိခဲ့ကြတယ်။

တစ်ချိန်တည်းမှာပဲ ရိုးရာဆေးပညာမှာရှိတဲ့ အကိုက်အခဲနဲ့အရောင်ကျစေတဲ့ ဆေးပင်တွေကိုလည်း သိပ္ပံပညာရှင်တွေက စိတ်ဝင်စားလာခဲ့ကြတယ်၊ ဒီလိုနဲ့သူတို့ဟာ ဆေးဘက်ဝင်တဲ့အပင်တွေကို ရှာဖွေရင်းနဲ့ ဆင်တုံးမနွယ်အပင်ကို ရှာဖွေတွေ့ရှိခဲ့ကြတယ်။ လက်တင်ဘာသာစကားအရ ဆင်တုံးမ နွယ်ကို tinospora cordifolia လို့ခေါ်ပါတယ်။ အိန္ဒိယနိုင်ငံကတော့ guduchi လို့ခေါ်ပြီး အင်္ဂလိပ်လို ကတော့ heartleaf moonseed လို့ခေါ်တယ်။

နိုင်ငံတကာမှ ဆေးသိပ္ပံပညာရှင်တွေဟာ ဆင်တုံးမနွယ်မှာပါဝင်တဲ့ syringing and cordial ဒြပ်ပေါင်း တွေက ရောင်ရမ်းတာကိုဖြစ်ပေါ်စေတဲ့ Enyzme တွေကိုဟန့်တားနိုင်စွမ်းရှိတာကို သိခဲ့ကြတယ်။ အဆစ်အမျက်ရောင် ရောဂါအမျိုးမျိုးကို သက်သာစေတယ်၊ အထူးသဖြင့် rheumatoid arthritis ရောဂါတွေမှာဖြစ်ပေါ်လေ့ရှိတဲ့ morning stiffness ကိုလျော့ကျစေတယ်၊ ဒါတွင်မကပါဘူး။ အာသီး ရောင်တာ၊ အစာအိမ်ရောင်တာ၊ အသည်းရောင်တာ၊ ဆီးအိမ်ရောင်တာတို့ကို လျော့နည်းသက်သာစေ နိုင်တာကို လေ့လာမိခဲ့ကြတယ်။

ဆင်တုံးမနွယ်မှာပါဝင်တဲ့ antioxidant တွေက အခြားအရေးပါတဲ့ antioxidant နှစ်မျိုးဖြစ်တဲ့ glutathione နဲ့ vatimin-C တို့ကိုများပြားအောင် အကူအညီပေးတယ်၊ အသက်ကြီးတဲ့သူတွေ Antioxidant ကိုသုံးရင် အသက်ရှည်နုပျိုစေတယ်၊ ဒါကြောင့်လည်း အသက်ကြီးရင် ဆင်စီးပါလို့ မြန်မာတွေ ဆိုရိုးစကားရှိခဲ့တယ်၊ ဆင်စီးပါဆိုတာက အသက်ကြီးလာရင် ဆင်တုံးမနွယ်ကို မှီဝဲပါလို့ ဆိုလိုတာဖြစ်တယ်။

ဆေးပညာ လက်တွေ့နယ်ပယ်မှာတော့ ဆင်တုံးမနွယ်ရဲ့ ပင်စည်ဟာအသည်းရောင် အသားဝါရောဂါ အတွက်အလွန်အသုံးဝင်တာ တွေ့ရတယ်၊ အသည်းရောင်ခြင်းကို လျော့ကျစေသလို အသားဝါတာကို လည်းမြန်မြန်သက်သာစေတာတွေ့ရတယ်။ ဆင်တုံးမနွယ်ဟာ ခုခံအားစနစ်ရဲ့ အဓိကဖြစ်တဲ့ သွေးဖြူဥတွေပုံမှန် ထုတ်လုပ်ခြင်းကို အားပေးတာကို တွေ့ရတယ်။ ရိုးရာဆေးပညာရှင်တွေနဲ့ (Indian ayuedic medicine) ဆေးပညာရှင်တွေက ဆင်းတုံးမနွယ်ကို ဆီးချိုရောဂါမှာ ကျယ်ကျယ် ပြန့်ပြန့်သုံးတာ တွေ့ရတယ်။ ဆီးချိုရောဂါ သိပ်မရင့်သေးတဲ့သူတွေနဲ့ အစောပိုင်းကာလ ဆီးချိုဝေဒနာ ရှင်တွေအတွက် အသုံးပြုနိုင်ပါတယ်။ သွေးတွင်းသကြားဓာတ်ကို ထိန်းနိုင်တဲ့သတ္တိရှိလို့ ဆီးချိုဝေဒနာ ရှင်တွေအတွက် သတင်းကောင်းတစ်ခုပါ။

ဆင်တုံးမနွယ်ပင်စည် ၁ ဒသမ ၅ ဂရမ်ကို လူကြီးတစ်ယောက်အတွက် တစ်နေ့ကို သုံးကြိမ်ကနေ လေးကြိမ်အထိ သောက်နိုင်တယ်၊ ဒါပေမယ့်အရက်နဲ့တော့ တွဲမသောက်ရပါကြောင်း တင်ပြအပ်ပါ တယ်။

မြန်မာ့အလင်းသတင်းစာ

ဇွန် (၁၅) ရက်၊ ၂၀၁၄ ခုနှစ်

အလင်းရောင်ကို အနည်းငယ် အာရုံခံနိုင်သေးသော မျက်မမြင်များ မျက်မြင်အလား သွားလာနိုင်မည့် မျက်မှန် မကြာခင်လာမည်


မြတ်ဆုကို

အမြင်အာရုံ လုံးဝ ကွယ်ပျောက်ခြင်း မဟုတ်သည့်တိုင် အလင်းရောင်ကို အနည်းငယ်ခန့်သာ အာရုံခံ နိုင်တော့သဖြင့် မျက်မမြင် အဖြစ်သတ်မှတ် ခံထားရသူများ မျက်မြင် တစ်ယောက် အလား သွားလာနိုင်အောင် ကူညီပေးမည့် မျက်မှန်မျိုး လာမည့် နှစ်လောက်တွင် ဈေးကွက်တင် ရောင်းချဖြစ်ဖွယ် ရှိကြောင်း သိရသည်။

မျက်မှန် ဈေးသည်လည်း စမတ်ဖုန်းတစ်လုံး စာလောက်သာ ရှိမည် ဖြစ်သည်။ ၀တ်ဆင်သူသည် မိမိရှေ့ လူလှုပ်ရှားမှုများ၊ မျက်နှာ အမူအရာများကို မြင်နိုင်မည် ဖြစ်ကြောင်း သိရသည်။ အမြင်အာရုံ ဆိုးဝါးစွာ ချို့ယွင်းခြင်းကြောင့် အိမ်မှာသာ နေရသူများ လမ်းလျှောက်ထွက်နိုင်၊ ဈေးဝယ်ထွက်နိုင်၊ ကော်ဖီဆိုင်ထိုင်နိုင်အောင်ပါ ယခုမျက်မှန်က ကူညီနိုင်မည် ဖြစ်ကြောင်း သိရသည်။

မျက်မှန်တွင် ကင်မရာပါသည်။ ကင်မရာက ရိုက်ကူးပေးသည်ကို အဓိပ္ပာယ် ဖော်ပေးရန် ဆော့ဖ်ဝဲ နှင့် ပရိုဆက်ဆာ ကို အိတ်ကပ်ထဲ ထည့်ထား နိုင်လောက်မည့် ဖုန်းတစ်လုံးစာ အရွယ် ဘူးငယ်ဖြင့် ထည့်ထားမည် ဖြစ်သည်။ မျက်မှန် ဖန်သား နေရာတွင်ကား သမားရိုးကျ မျက်မှန် အသားမျိုး မဟုတ်ဘဲ အမြင်အာရုံ ချို့ယွင်းနေသူများ မြင်နိုင်စေမည့် အီလက်ထရောနစ် ရုပ်ထွက် ဖန်သားပြင် ထည့်သွင်း ထားသည်။

ကင်မရာက ရိုက်ကူးပေးပို့ သည်များထဲမှ အရေးအကြီးဆုံးဟု ဆော့ဖ်ဝဲက ဆုံးဖြတ်သည့် အရာများကို ပိုထင်ရှားစွာ မြင်ရအောင် ကွန်ပျူတာစနစ်က ဖန်တီးပေးပြီး မျက်မှန် ဖန်သားပြင်တွင် ပြသပေးမည် ဖြစ်သည်။ နီးသောအရာများ ကို ပိုအရောင် တောက်ပစွာ ပြသပေးမည် ဖြစ်ပြီး အမြင်အာရုံ ချို့ယွင်းသူ၏ အလင်းအာရုံ ခံနိုင်စွမ်းအလိုက် ချိန်ညှိ အသုံးပြုနိုင်မည် ဖြစ်ကြောင်း သိရသည်။ အမြင်အာရုံလုံးဝ ပျက်သုဉ်းပြီးမျက်စိက အလင်းကို အာရုံမခံနိုင်တော့ သူများအတွက် အသုံးပြုနိုင်မည် မဟုတ်သော်လည်း အလင်းရောင်ကို အနည်းငယ်လောက် အာရုံခံနိုင်သေးသော သူများ အတွက်ကား အဆင်ပြေစေမည် ဖြစ်သည်။

မျက်မှန်သည် နားကျပ်လည်း ပါဝင်ဦးမည် ဖြစ်သည်။ မျက်မှန်တွင်ပါသော ကင်မရာက ရိုက်ယူလိုက်သည့် ပုံများကို ကွန်ပျူတာ ဆော့ဖ်ဝဲက အဓိပ္ပာယ် ဖော်ကာ မည်သည့်အရာ ဖြစ်ကြောင်းကိုပါ အသံဖြင့် ပြောပြပေးဦးမည် ဖြစ်သည်။ ဥပမာ ကားဂိတ်တွင် ရပ်နေလျှင် လာနေသည့် ကားသည် မည်သည့် နံပါတ် ဖြစ်ကြောင်းကို ကင်မရာက ရိုက်ထားသောပုံကို ကွန်ပျူတာက ဘာသာ ပြန်ကာ အသံဖြင့် ပြောပြပေးမည် ဖြစ်သည်။ ဆိုင်တစ်ဆိုင်ရှေ့ ရောက်လျှင်လည်း ဆိုင်နာမည်ကို အသံထွက် ရွတ်ပြမည် ဖြစ်သည်။ အနားတွင် လူတစ်ယောက် လိုက်ပါလာသည့် အလား အကူအညီရအောင် မျက်မှန်ကို ဖန်တီးထားကြောင်း သိရသည်။

မျက်မှန်ကို အောက်စဖို့ဒ် တက္ကသိုလ်မှ သုတေသန အဖွဲ့က တီထွင်ခြင်းဖြစ်သည်။ ဗြိတိန်နိုင်ငံ ကျန်းမာရေး သုတေသနသိပ္ပံ (NIHR) က ရန်ပုံငွေ စိုက်ထုတ်ပေးထားပြီး ဗြိတိန်နိုင်ငံ မျက်မမြင်များအသင်း (RNIB) နှင့် ပူးပေါင်း စမ်းသပ်နေခြင်း ဖြစ်သည်။

Source: Daily Mail

The Messenger


တန့်ဆည်မှာ ပုဒ်မ ၄၃၆ ပြင်ဆင်ရေး ဆန္ဒပြတောင်းဆို


စစ်ကိုင်းတိုင်းဒေသကြီး၊ ရွှေဘိုခရိုင်၊ တန့်ဆည်မြို့ မှာ ထောင်နဲ့ချီတဲ့ ဒေသခံတွေဟာ ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၃၆ ပြင်ဆင်ရေးအတွက် ဒီနေ့ ဆန္ဒပြတောင်းဆိုကြပါတယ်။

ဆန္ဒပြပွဲဦးဆောင်ခဲ့တဲ့ တန့်ဆည်မြို့နယ် အမျိုးသား ဒီမိုကရေစီအဖွဲ့ချုပ် ဥက္ကဌ ဦးမြင့်ထွန်းက ဆန္ဒပြရတဲ့ အကြောင်း RFA ကို အခုလို ပြောပါတယ်။

"၂ဝဝ၈ ဖွဲ့စည်းပုံ အခြေခံဥပဒေကို ပြင်မယ်ဆိုရင် ပုဒ်မ ၄၃၆ မပြင်ရင် မရဘူးလို့ ကျနော်တို့ ခံယူထားပါတယ်၊ ပုဒ်မ ၄၃၆ ပြင်မှသာလျှင် တခြားဥပဒေပုဒ်မတွေကို ပြင်လို့ရမှာဖြစ်တဲ့အတွက် အဓိကသော့ချက်ဖြစ်တဲ့ ဒီ ၄၃၆ ကိုပြင်ဖို့ လုပ်ရခြင်းဖြစ်ပါတယ်၊ ၂ဝဝ၈ အခြေခံဥပဒေသည် ဒီမိုကရေစီနဲ့ မညီတဲ့အတွက် တန့်ဆည်မြို့နယ် လူထုကလည်း ပြင်ချင်ပါတယ်ဆိုတာကို သက်ဆိုင်ရာတွေသိစေချင်လို့ ဖြစ်ပါတယ်၊ သက်ဆိုင်ရာ အာဏာပိုင် ကလည်း လူတွေရဲ့ဆန္ဒတွေကို လေးစားအသိအမှတ်ပြုလာရန်ဆိုတဲ့ ရည်ရွယ်ချက်နဲ့ အခုလိုထုတ်ဖော်ခြင်းဖြစ် ပါတယ်"

ဆန္ဒပြပွဲကို တန့်ဆည်မြို့နယ် အမျိုးသားဒီမိုကရေစီအဖွဲ့ချုပ်က ဦးဆောင်တာဖြစ်ပြီး တန့်ဆည်မြို့နယ်မှာ ရှိတဲ့ ကျေးရွာပေါင်း ၃၀ ကျော်က ထောင်နဲ့ချီတဲ့ ဒေသခံတွေ ပါဝင်ဆန္ဒပြခဲ့ကြပါတယ်။

တန့်ဆည်မြို့နယ် အမျိုးသားဒီမိုကရေစီအဖွဲ့ချုပ်ရုံးကနေ ရေဦး၊ ကလေးဝ လမ်းမတစ်လျှောက်ကနေ တန့်ဆည် မြို့တော်ခန်းမရှေ့အထိ လမ်းလျှောက်ချီတက်ခဲ့ကြကာ အမျိုးသားဒီမိုကရေစီအဖွဲ့ချုပ်ရုံး ရှေ့မှာ ဆန္ဒပြပွဲကို ရုပ်သိမ်းခဲ့ကြပါတယ်။

ပြီးခဲ့တဲ့ ရက်ပိုင်းအတွင်းကလည်း ရွှေဘိုခရိုင်အတွင်းမှာရှိတဲ့ ရေဦး၊ ကန့်ဘလူ၊ ခင်ဦး၊ ဒီပဲယင်းစတဲ့ မြို့နယ်တွေမှာလည်း ပုဒ်မ ၄၃၆ ပြင်ဆင်ဖို့ ဆန္ဒထုတ်ဖော်ခဲ့ကြပါတယ်။

RFA Burmese


လူ့ကျင်ငယ်ရည်မှ တဆင့် လျှပ်စစ်ထုတ်ရန် ကြိုးပမ်းနေ


တစ်ကမ္ဘာလုံးကနေ တစ်နေ့ ကို ကျင်ငယ်ရေ လီတာပေါင်း ၁၀.၅ ဘီလီယံ ထွက်ရှိပါတယ်။ ဒီပမာဏဟာ အိုလံပစ်ရေကူးကန် ပေါင်း ၄၂၀၀ ကို ဖြည့်နိုင်တဲ့ ပမာဏပါ။ ကျွန်တော်တို့ အများစုဟာ ကျင်ငယ်ရေကို စွန့်  ပစ်ပစ္စည်းအနေနဲ့ သာ ခေါင်းစဉ်တပ်ကြမှာဖြစ်ပေမယ့် သိပ္ပံပညာရှင်တွေကတော့ ဒီကျင်ငယ်ရေတွေကနေ အိမ်တွေ၊ ကားတွေနဲ့ မြို့ တွေအထိပါ လျှပ်စစ်စွမ်းအင်ပေးနိုင်အောင်လို့ ကြံဖန်နေကြပါပြီ။

ကိုရီးယားတက္ကသိုလ်က သိပ္ပံပညာရှင်တစ်စုဟာ ကျင်ငယ်ရေတွေကနေ ပြန်လည်ထုတ်ယူနိုင်တဲ့ ကာဗွန်အက်တမ်တွေကို အသုံးပြုပြီး ဈေးသက်သာတဲ့ လျှပ်စစ်စွမ်းအင်ရရှိဖို့ အစီအစဉ်ကို ရေးဆွဲခဲ့ပါတယ်။

အခုလက်ရှိ fuel cells တွေမှာအသုံးပြုထားတဲ့ ဈေးမြင့်မားတဲ့ ပလက်တီနမ်နေရာမှာ လူသားတို့ ရဲ့ ကျင်ငယ်ရေကနေ သဘာဝအလျောက်ပါဝင်တဲ့ ကာဗွန်ကိုအသုံးပြုဖို့ ရည်မှန်းထားတာပါ။ Fuel Cells တွေဆိုတာ ဟိုက်ဒရိုဂျင်နဲ့ အောက်စီဂျင်ကို ဓာတ်ပြုခြင်းဖြင့် ရရှိလာတဲ့ ဓာတုစွမ်းအင်ကို လျှပ်စစ်စွမ်းအင် အဖြစ် ပြောင်းလဲပေးနိုင်တဲ့ စက်၊နည်းပညာတစ်ခုဖြစ်ပါတယ်။

Fuel cell အတွင်းမှာအသုံးပြုတဲ့ ဓာတ်ကူပစ္စည်းဖြစ်တဲ့ ပလက်တီနမ်သတ္တုဟာ ဈေးနှုန်းကြီးမားပြီး ဒီနည်းပညာတိုးတက်မှုကို ဈေးကွက်အခြေအနေအရ နှောင့်နှေးစေနိုင်တာကြောင့် ကိုရီးယားသိပ္ပံပညာရှင်တွေဟာ ကျင်ငယ်ရေကနေ ရရှိနိုင်တဲ့ ကာဗွန်ကို အစားထိုးနိုင်ဖို့  မျှော်လင့်နေကြပါတယ်။ ကာဗွန်ဟာ ပလက်တီနမ်နဲ့ ဓာတ်သတ္တိတူညီမှုတွေရှိပြီး ဒီအတွက်ကြောင့် fuel cells တွေ ထုတ်လုပ်မှုကုန်ကျစရိတ်ကို လျော့ချနိုင်ဖွယ်ရှိနေပါတယ်။

သိပ္ပံပညာရှင်တွေဟာ ကျင်ငယ်ရေကနေ ထုတ်ယူမယ့် လျှပ်စစ်စွမ်းအင်နဲ့ ကားတွေ၊အိမ်တွေအထိပါ လျှပ်စစ်စွမ်းအင် ကျယ်ပြန့် စွာပေးနိုင်လိမ့်မယ်လို့ ခန့် မှန်းထားကြပါတယ်။

Ref: Dailymail.co.uk
Trend Myanmar


ညှပ်ကြဦးမလား ကမ္ဘာ့ဖလား ဆံပင်ဒီဇိုင်းသစ်များ


ကျင်းပချိန် တစ်လအတွင်း တစ်ကမ္ဘာလုံးကို သိမ်းပိုက်နိုင်စွမ်းရှိတဲ့ ကမ္ဘာ့ဖလား ပြိုင်ပွဲကို ပိုပြီးဆန်းသစ်အောင် လုပ်ပေးနိုင်တဲ့နေရာမှာ ဆံသဆရာ တစ်ယောက်ရဲ့ အခန်းကဏ္ဍ ပါဝင်တယ်ဆိုတာ
အမေရိကန် ဆံသဆရာ ရော့ဖာရယ်က သက်သေပြလိုက်ပါပြီ။ ရော့ဖာရယ်ဟာ ပြီးခဲ့တဲ့ သီတင်းပတ်အတွင်း သူ့ဆိုင်မှာ ဆံပင်လာညှပ်သူတွေကို
ပေါ်တူဂီ တိုက်စစ်မှူး ရော်နယ်ဒို၊ အမေရိကန် ဂိုးသမား တင်ဟောင်းဝပ်နဲ့ မက္ကဆီကို ဂိုးသမား အိုချိုအာတို့ပုံတွေ ပုံဖော်ပေးခဲ့ပါတယ်။



Rob the original ဆံသဆိုင်ပိုင်ဆိုင် ရော့ဖာရယ်ဟာ ပြီးခဲ့တဲ့ (၈)နှစ်လောက်တုန်းက တက်စ်ဆက်က ဆံပင်ညှပ်ဆိုင် တစ်ဆိုင်မှာ အလုပ်လုပ်ခဲ့တာပါ။ အဲဒီအချိန်မှာ ဒေသခံ လူငယ်တွေက ဆံပင်ဒီဇိုင်း ပုံဖော်ပေးဖို့ သူ့ကို ပြောလာကြရင်းနဲ့ အခုလို စလုပ်ဖြစ်သွားတာပါ။ ''အစတုန်းက ရိုးရိုးရှင်းရှင်း ဒီဇိုင်းတွေပဲ ပုံဖော်ပေးတာပါ။ နောက်တော့ သူတို့တွေက ကျွန်တော့်ဆီကို ဓာတ်ပုံတွေ ယူလာပြီး အဲဒီပုံထဲကအတိုင်း သူတို့ဆံပင်ကို ပုံဖော်ပေးဖို့ ပြောကြပါတယ်''လို့ ဖာရယ်က ဆိုပါတယ်။

Yoyarlay