သားသမီးကိုဖျက်ဆီးလိုက်သောဖခင်၊ သင်ပါဝင်နေပါသလား ?

၁။ အိမ်ထောင်ရေး ဖောက်ပြန်တတ်သောဖခင်

ဖခင်ကအိမ်ထောင်ရေး ဖောက်ပြန်တော့ မိခင်နဲ့ခဏခဏပြဿနာတက်တယ်။ အိမ်မှာနေ့တိုင်းဆိုသလို တိုက်ပွဲဖြစ်နေတော့ ဘယ်သူ့မှသားသမီးကို မကြည့်အားဘူး။ သားသမီးတွေရဲ့စိတ်ကို အရမ်း ထိခိုက် စေပါတယ်။ ကိုယ့်အဖေကိုကြည့်ပြီး အိမ်ထောင်ပြုမဲ့အရွယ်ရောက်နေတဲ့ မိန်းခလေးတစ်ယောက် အိမ်ထောင်ရေးအကြောင်းလုံးဝမစဉ်းစားရဲတာ ကိုတွေ့ဖူးတယ်။

၂။ စိတ်ကြီးတဲ့ဖခင်

နည်းနည်းဆိုဆူပြီ၊ ထစ်ကနဲဆို လက်ပါပြီ၊ ( ၆ ) နှစ်အောက်ခလေး ဒီလိုဖခင်မျိုးနဲ့တိုးရင် ချစ်စရာအမူအကျင့်လေးတွေ ပျောက်ဆုံးပြီး ထုံထုံအအ ဖြစ်သွားမှာပဲ။ ကလေးရဲ့စိတ်ဟာ အလွန်နုနယ်လွန်းလှပါတယ်။ ကလေးတွေ အတွက် အယုံကြည်ရဆုံးနဲ့ အားအကိုးရဆုံးဆိုလို့ မိဘပဲရှိပါတယ်။

၃။ ဆေးလိပ်သောက်တတ်သောဖခင်

အချို့ကသားသမီးရှေ့မရှောင် ဆေးလိပ်သောက်တတ်ကြပါတယ်။ ဆေးလိပ်ဆိုတာ သောက်တဲ့လူတင် မကပဲ ဘေးမှာရှိတဲ့လူတွေကိုပါ ကျန်းမာရေးထိခိုက်စေပါတယ်။ ဆေးလိပ်သောက်တတ်သောဖခင်ဟာ ဆေးလိပ်သောက်တတ်သော သားကိုပိုမိုမွေးထုတ်တတ်ပါတယ်။ ဖခင်ကိုအထင်ကြီးတော့ အတုမြင်အတတ်သင်တော့တာပါပဲ။

၎။ ဂိမ်းဆော့ဝါသနာပါသောဖခင်

ဖခင်ကဂိမ်းဆော့ဝါသနာပါရင် သားသမီးကိုတိုက်ရိုက်ကူးစက်တတ်ပါတယ်။ သားသမီးတွေဟာ ဂိမ်းရဲ့ဆွဲဆောင်မူကို ငြင်းဆန်နိုင်စွမ်း မရှိပါဘူး။ ဖခင်ကဂိမ်းဆော့နေမယ်။ သားသမီးကလိုက်ဆော့မယ်။ ကလေးရဲ့ပညာရေးဘယ်လောက်ထိခိုက်တယ်ဆိုတာ ပြောနေစရာတောင်မလိုတော့ပါဘူး။

၅။ အမြဲပျက်ကွက်တတ်သောဖခင်

မိဘဆရာတွေ့ဆုံပွဲ၊ အားကစားပွဲ၊ ကျောင်းအကြိုအပို့၊ ကလေးမွေးနေ့ စသည်တို့မှာ ဖခင်ကခဏခဏ ပျက်ကွက်နေရင် ကလေးကိုစိတ်ထိခိုက်စေတတ်ပါတယ်။ အတန်းဖေါ်တွေက အဖေအမြဲလာကြိုပြီး ကိုယ့်အဖေကျတော့ အမြဲအမအားဘူးလို့ပဲ ပြောနေတယ်။ ဖခင်မေတ္တာနဲ့ မိခင်မေတ္တာ ဟာ တခါတလေမှာ ကွာခြားတတ်ပါတယ်။ ဖခင်မေတ္တာဟာ ကလေးတွေ မိမိကိုယ်မိမိ ယုံကြည်ချက်တည်ဆောက်တဲ့နေရာမှာ အလွန်အထောက်အကူဖြစ်ပါတယ်။

ကျွန်တော်အပါအ၀င် ဖခင်များဆင်ခြင်နိုင်အောင် Wechat မှ ကောက်နုတ်ဘာသာပြန်ထားပါသည်။

Ref: Aung Ko Latt

 

Read More

လိပ်ကျွန်းသူဌေးသား သတင်းစာရှင်းပွဲတွင် ဒီအန်အေ အစစ်ခံ

 

ထိုင်းတောင်ပိုင်း ခိုတောင်ကျွန်း (လိပ်ကျွန်း) က ဗြိတိန်နိုင်ငံသား ၂ ဦးအသတ်ခံရတဲ့ ကိစ္စမှာ အဓိက ပါဝင်ပတ်သက်သူလို့ လူမှုကွန်ရက်က ပစ်မှတ်ထား သံသယဖြစ်ခံနေရတဲ့ ကျွန်းသူကြီးရဲ့သား နိုင်းဝါလ်လုတ့် တုဝိချဲ ဟာ ဒီနေ့ အောက်တိုဘာ ၃၀ ရက် မနက်က ဘန်ကောက် ထိုင်းအမျိုးသားရဲတပ်ဖွဲ့ ရုံးချုပ်မှာ ဒီအန်အေ စစ်ဆေးခံခဲ့ပါတယ်။

ခိုတောင်ကျွန်းသူကြီးလည်းဖြစ်၊ အေစီဘားပိုင်ရှင်လည်းဖြစ်တဲ့ နိုင်းဝေါလ်ဖန်း တုဝိချဲနဲ့ မိသားစုဝင်တွေဟာ ပတ်ဝန်းကျင်အသိုင်းအ၀ိုင်းရဲ့ သံသယဖြစ်မှုတွေ ခံနေရတဲ့အတွက် သံသယတွေ ရှင်းသွားအောင် တာဝန်ရှိသူတွေနဲ့ တိုင်ပင်ပြီး ဒီအန်အေ လာရောက် အစစ်ခံတာလို့ ထိုင်းအမျိုးသားရဲချုပ်ကြီး ဆုမ်ယုဒ် ဖုန့်ဖန်းမုန့်က သတင်းစာရှင်းလင်းပွဲမှာ ပြောကြားခဲ့တယ်လို့  ထိုင်းရတ်သတင်းမှာ ဖော်ပြပါတယ်။

သူကြီးကလည်း ဒီလူသတ်မှုမှာ ဖေ့စ်ဘွတ်ခ်စာမျက်နှာက ဖြစ်ရပ်မှန်ထက် လွန်ကဲ ရေးသားလို့ သူတို့မိသားစုအပေါ် ထိခိုက်သလို ခိုတောင်ကျွန်းကိုရော ထိုင်းနိုင်ငံရဲ့ ခရီးသွား လုပ်ငန်းကိုပါ ထိခိုက်ကြောင်း၊ အမှန်က စစ်ဆေးရေးလုပ်ငန်းစဉ်တွေလည်း ရှိပါလျက် သူ့ကို ဖုန်းဆက်မေးလို့လည်း ရပါလျက်နဲ့ ဘာရည်ရွယ်ချက်နဲ့ တိုက်ခိုက်နေတာ မသိကြောင်း၊ သူတို့ကို နာမည်ပျက်အောင် ရေးသားဖော်ထုတ်နေတဲ့ လူမှုကွန်ရက်တွေကို ရှေ့နေတွေကနေတဆင့် တရားစွဲမယ်လို့   ပြောသွားပါတယ်။

သူကြီးသားကလည်း ဒီဖြစ်ရပ်ပေါ်မှာ ၀မ်းနည်းမိကြောင်း၊ ဘယ်သူမှန်းမသိရတဲ့ (အကောင်အထည်မရှိတဲ့) သူက ရေးသားတဲ့ဟာကို ယုံကြည်တဲ့ ထိုင်းလူမျိုးတွေကိုလည်း အံ့သြကြောင်း၊ ဒီဖြစ်ရပ်နဲ့ ပတ်သက်ပြီး ဘယ်သူမှ မိမိကို လာရောက်မေးမြန်းတာ မရှိကြောင်း၊ ရင်းနှီးတဲ့ သူငယ်ချင်းတွေပဲ လာမေးကြောင်း ပြောသွားပါတယ်။

ဒီကနေ့ ဒီအန်အေစစ်ဆေးမှုမှာ ဘန်ကောက်ခရိုင် ဆီရီရတ်ဆေးရုံ၊ ချူလာလောင်ကွန်းဆေးရုံ၊ ရာမာဓိပတိဆေးရုံက ၀န်ထမ်းတွေနဲ့ ရဲဆေးရုံ မှုခင်းဆေးသိပ္ပံဌာနက ၀န်ထမ်းတွေရှေ့မှာ ဆောင်ရွက်ခဲ့ပါတယ်။ ဒီအန်အေရဲ့ ရလဒ်ကတော့ ၂၄ နာရီကြာမှသာ အဖြေထွက်မယ်လို့ ဆေးဝန်ထမ်းတွေရဲ့ အပြောကို ကိုးကားပြီး သတင်းမှာ ဖော်ပြ ပါတယ်။

သေဆုံးသူ ၂ ဦးထဲက အမျိုးသမီးဖြစ်သူ ဟန်နာဝစ်သရစ်ဟာ အဓမ္မပြုကျင့်ပြီးမှ အသတ်ခံရတာ ဖြစ်ကြောင်း ဆေးစစ်ချက်မှာ ပေါ်တဲ့အတွက် သံသယရှိသူတွေရဲ့ ဒီအန်အေ မျိုးဗီဇကို စစ်ဆေးနေတာ ဖြစ်ပါတယ်။ ဒါဟာ လူသတ်မှု ဖြစ်ပွားပြီး ရက်ပေါင်း ၄၅ ရက်အကြာမှာ စစ်ဆေးခံခဲ့တာ ဖြစ်ပါတယ်။

ဒီမတိုင်ခင်က  အမှုကိုင်တွယ်တဲ့ ရဲတွေက သူကြီးသားဟာ သံသယရှိသူထဲ မပါလို့  ဒီအန်အေစစ်ဆေးဖို့ မလိုအပ်ကြောင်း၊ သံသယမရှိဘဲ စစ်ဆေးရင် လူ့အခွင့်အရေး ချိုးဖောက်ရာ ရောက်ကြောင်း ပြောဆိုခဲ့ပါတယ်။

ဖမ်းဆီးခံထားရတဲ့ သံသယရှိ မြန်မာလူငယ် ၂ ဦးရဲ့ ဒီအန်အေတွေဟာ အဓမ္မကျင့်ခံရသူ ဟန်နာရဲ့ ကိုယ်က ဒီအန်အေနဲ့ တိုက်ဆိုင်တယ်လို့ ထိုင်းရဲတပ်ဖွဲ့က ထုတ်ပြန်ထားပါတယ်။

မြန်မာ ၂ ဦးဟာ ပထမတကြိမ် စစ်ဆေးခံရစဉ်က ဒီအန်အေတူညီကြောင်း မတွေ့ရဘဲ ဒုတိယအကြိမ်မှ တွေ့ရှိတဲ့အပြင်၊ ရဲတွေက သူတို့ကို  ရှေ့နေရှေ့မှာ စစ်ဆေးတာ မဟုတ်တဲ့ အတွက် ရဲတပ်ဖွဲ့ကလည်း သံသယမေးခွန်းတွေနဲ့ ရင်ဆိုင်နေရပါတယ်။

ဒီကိစ္စပေါ်မှာ ထိုင်းဝန်ကြီးချုပ်လည်းဖြစ်၊ ထိုင်းအမျိုးသားလုံခြုံရေးနဲ့ ငြိမ်းချမ်းရေးကောင်စီ ဥက္ကဋ္ဌ ဗိုလ်ချုပ်ကြီးဟောင်း ပရာယုဒ် ကျန်အိုးချားကတော့ ဒီအန်အေ စစ်ဆေးချက်ပေါ်မှာ သံသ ယဖြစ်ရင် ပြန်လည်စစ်ဆေးနိုင်ကြောင်း၊ အပြစ်မရှိဘဲနဲ့ ဒဏ်ပေးမှာ မဟုတ်ကြောင်း၊ တရားခံတွေဟာ တရားရုံးမှာ ပြန်လည်ချေပနိုင်ပြီး သူတို့အခွင့်အရေးဖြစ်တဲ့အတွက်  ဟန့်တားမှု မရှိကြောင်း၊ တရားစီရင်မှုမှာတော့ သက်သေအထောက်အထားတွေသာ အဓိကကျတယ်လို့ အောက်တိုဘာ ၃၀ ရက် ပညာရေးဝန်ကြီးဌာန အစည်းအဝေးအပြီး သတင်းထောက်တွေကို ဖြေကြားခဲ့ပါတယ်။

ဒီအမှုမှာ မြန်မာလူငယ် ၂ ဦးဘက်ကနေ လိုက်ပါဆောင်ရွက်ပေးနေတဲ့ သံရုံးအထူးအဖွဲ့က ရှေ့နေ ဦးအောင်မျိုးသန့်ကတော့ ထိုင်းရဲတွေဟာ အစကတည်းက သက်သေပြည့်စုံအောင် မလုပ်ခဲ့ဘဲ ခုမှပြန်လုပ်ခိုင်းတာ နည်းလမ်းမကျဘူးလို့ ပြောပါတယ်။

“ရဲရဲ့ လုပ်ထုံးလုပ်နည်းအရ သူတို့နိုင်ငံထဲက အမှုတွဲကို သူတို့စပြီး စီစဉ်ကတည်းက ဒါတွေကို ပြည့်စုံအောင် ဆောင်ရွက်ခဲ့ရမှာပါ။ အခုမှ မကျေနပ်ရင် စစ်ဆေးပါလို့ ပြောတဲ့သဘောကတော့ ကျနော်တို့ ဗမာပုံပြင်အရ ဖိုးသူတော်ဂဏန်းစားတဲ့ ပုံပြင်လို ဖြစ်နေပါတယ်။ အကောင်ကြီးတယ်၊ နောက်တခေါက်ပြန်လျှောက်ဆိုပြီး ရေနွေးပူပေါ် ပြန်လျှောက်ခိုင်းတာ၊   ဒီကိစ္စနဲ့ ပတ်သက်လို့ ဒီအန်အေ ပြည့်စုံမှု မရှိကြောင်း ဒီလဆန်းပိုင်းက ကျနော် ပြောခဲ့ပါသေးတယ်။ အစက ဘာမှမပြောဘဲ အခုလိုကျမှ မတတ်သာတဲ့အဆုံးမှာမှ ပြန်စစ်ရင်လည်း စစ်လို့ ပြောတာက ဒီလို ပြစ်ဒဏ်ကြီးတဲ့အမှုမှာ နည်းလမ်းမကျဘူးလို့ပဲ ပြောချင်ပါတယ်။”

သံသယဖြစ်ခံ မြန်မာလူငယ် ၂ ဦးရဲ့ ဒီအန်အေ ပြန်စစ်၊ မစစ်ကတော့ သူတို့ဘက်က ချေပပေးမယ့် ရှေ့နေကောင်စီအပေါ်မှာ မူတည်တယ်လို့ ဆိုပါတယ်။

မြန်မာလူငယ် ၂ ဦး တရားမျှတမှုရှိရေးအတွက် မြန်မာသံရုံးအထူးအဖွဲ့က ထိုင်းရှေ့နေများ ကောင်စီနဲ့ ပူးပေါင်းဆောင်ရွက်ဖို့ အောက်တိုဘာ ၂၉ ရက်နေ့က သွားရောက် တင်ပြခဲ့တာမှာ ထိုင်းရှေ့နေများကောင်စီက လက်ခံခဲ့ပြီး  အဖွဲ့ဝင်  ၂၀  ဦးပါ ရှေ့နေအဖွဲ့ကို ဖွဲ့ခဲ့ကြောင်း၊ အဲဒီထဲက ၁၂ ဦးဟာ တရားရုံးမှာ ရင်ဆိုင်ပေးမှာ ဖြစ်ပြီး နောက်ထပ်  ၈ ဦးက အတိုင်ပင်ခံဖြစ်တယ်လို့ ဦးအောင်မျိုးသန့်က ပြောသွားပါတယ်။

By နန်းမြနဒီ (ဒီဗွီဘီ)

 

Read More

အရည်အသွေးနိမ့် လျှပ်စစ်ပစ္စည်းများ တင်သွင်းခြင်း၊ သုံးစွဲခြင်းများကို အရေးယူမည်

ရန်ကုန်၊ အောက်တိုဘာ ၂၈

လျှပ် စစ်အန္တရာယ် ကင်းရှင်းစေရေးအ တွက် အရည်အသွေးနိမ့်ကျသည့် လျှပ်စစ်ပစ္စည်းများ တင်သွင်းခြင်း၊သုံးစွဲခြင်းများကိုတိကျသည့် အရေး ယူမှုများ ပြုလုပ်နိုင်တော့မည်ဖြစ် ကြောင်း လျှပ်စစ်စွမ်းအားဝန်ကြီး ဌာနဒုတိယဝန်ကြီး ဦးမော်သာထွေး က ပြောသည်။


အောက်တိုဘာ ၂၈ရက်တွင်ကျင်း ပသည့် ပြည်သူ့လွှတ်တော် (၁၁)ကြိမ် မြောက် ပုံမှန်အစည်းအဝေးတွင် ပြည်သူ့လွှတ်တော် ကိုယ်စားလှယ် ဦးခိုင်မောင်ရည်၏ ကွာလတီမမီသော လျှပ်စစ်ပစ္စည်းများကို မည်သူများ၏ ခွင့်ပြုချက်ဖြင့် တင်သွင်းခွင့်သုံးစွဲခွင့် ပြုထားသည်ဟူသည့် မေးခွန်းနှင့်စပ် လျဉ်း၍ လျှပ်စစ်စွမ်းအား ဝန်ကြီး ဌာန ဒုတိယဝန်ကြီးက ယင်းကဲ့သို့ ပြောကြားခဲ့ခြင်းဖြစ်သည်။



လျှပ်စစ်အန္တရာယ် ဖြစ်ပွားရ ခြင်းအကြောင်းအရင်း လေးမျိုးရှိ ပြီး ဓာတ်အားလိုင်းများ နိမ့်ကျပြတ် ကျမှု၊ သုံးစွဲသူများ သွယ်တန်းထား သည့် လျှစ်စစ်ကြိုးများ ပေါက်ပြဲ ပြတ်ကျမှု၊ အရည်အသွေးနိမ့်သည့် ပစ္စည်းများ သုံးစွဲမှု၊ လျှစ်စစ်အန္တရာယ် ကင်းရှင်းရေး ကာကွယ်ရေးအသိမရှိ မှုများကြောင့် ဖြစ်ပွားရခြင်းဖြစ်သည် ဟု လျှပ်စစ်စွမ်းအား ဝန်ကြီးဌာနဒုတိ ယဝန်ကြီး ဦးမော်သာထွေးက ပြော သည်။
ယင်းက ဆက်လက်ပြီး''သွယ် တန်းထားတဲ့ အိမ်ထဲမှာရှိတဲ့ပစ္စည်း တွေဟာ ကာလကြာရင်လည်း လဲဖို့ လိုသလို ဈေးပေါပေါနဲ့ ဖြစ်သလိုလုပ် ထားတဲ့ ပစ္စည်းတွေဆိုရင်လည်း ဝင် ရောက်စိစစ်ခြင်းတွေလုပ်တာတွေ ကို လျှပ်စစ်ဥပဒေနဲ့အညီ လုပ်ဆောင် တော့မှာ ဖြစ်ပါတယ်''ဟုဆိုသည်။



လွှတ်တော်ကိုယ်စားလှယ်များ အနေနဲ့ လျှပ်စစ်စွမ်းအားဝန်ကြီးဌာနနဲ့ ပတ်သက်ပြီး ဆွေးမြေ့လျှပ်စစ်ဓာတ် ကြိုးများ၊ ဟောင်းနွမ်းဓာတ်တိုင်များ၊ အန္တရာယ်ရှိလျှစ်စစ် သွယ်တန်းမှုများ နဲ့ပတ်သက်ပြီး လွှတ်တော်တွင်း မေးမြန်း ခြင်းဆွေးနွေးမှုများပြုလုပ်ခြင်း၊ ဝေဖန်ထောက်ပြမှုများကို အကြိမ် ကြိမ်တိုက်တွန်းဆောင်ရွက်ခဲ့မှု အပေါ် လျှပ်စစ်စွမ်းအားဝန်ကြီးဌာန အနေဖြင့် ပြုပြင်ဆောင်ရွက်မှု ကတိ ကဝတ်များပြုခဲ့သော်လည်း လျှပ်စစ် ကြောင့်သေဆုံးမှုများဖြစ်ပေါ်နေ ကြောင်း ပြည်သူ့လွှတ်တော်ကိုယ်စား လှယ် ဦးခိုင်မောင်ရည်က လွှတ်တော် အတွင်း ဝေဖန်ပြောကြားခဲ့သည်။


''ကွာလတီမမီတဲ့ ပစ္စည်းတွေ ကို ပြည်သူတွေက သုံးကြတယ်။ ဒီ ကွာလတီမမီတဲ့ လျှပ်စစ်ပစ္စည်းတွေ ကို ဘယ်ကနေဘယ်လို ခွင့်ပြုချက် တွေနဲ့ တင်သွင်းဖို့ ခွင့်ပြုထားတာ လဲ။ ကွာလတီမီမမီကို တာဝန်ရှိတဲ့ သူတွေကနေ တိုင်းတာစစ်ဆေးရမှာ ဖြစ်ပါတယ်''ဟု ပြည်သူ့လွှတ်တော် ကိုယ်စားလှယ် ဦးခိုင်မောင်ရည်က လွှတ်တော်အတွင်း မေးခွန်းထုတ်ပြော ဆိုသည်။



ယင်းအပေါ် လျှပ်စစ်စွမ်းအား ဝန်ကြီးဌာန ဒုတိယဝန်ကြီး ဦးမော် သာထွေးက ''လျှပ်စစ်ပစ္စည်းတွေတင် သွင်းတာ သုံးစွဲတာဟာဥပဒေနဲ့ဆိုင် ပါတယ်။ ဒါကြောင့် လျှပ်စစ်ဥပဒေ ကို လွှတ်တော်အသီးသီးက အတည်ပြု ပြဋ္ဌာန်းပြီး နိုင်ငံတော်က မကြာခင် ထုတ်ပြန်တော့ မှာဖြစ်ပါတယ်။ အဲဒီ အချိန်ကျရင် တိကျတဲ့ အရေးယူမှု လုပ်ဆောင်ချက်တွေကို အတိကျဆုံး ဆောင်ရွက်နိုင်မယ့် နည်းဥပဒေတွေ ပါ ရေးဆွဲဆောင်ရွက်သွားမှာဖြစ်ပါ တယ်''ဟု ပြောသည်။
 
YM, MP

‪#‎Democracytoday‬

Read More

မြို့ပတ်ရထားအားလုံးကို အဲကွန်းရထားများဖြင့်ပြောင်းလဲပြေးဆွဲမည်

ရန်ကုန်မြို့တွင်း၌ ယခု ပြေးဆွဲလျက်ရှိသည့် မြို့ပတ်ရထား များအားလုံးနေရာ၌ ၂ဝ၁၅ခုနှစ်တွင် အဲကွန်းရထားများဖြင့် ပြောင်းလဲပြေး ဆွဲမည်ဖြစ်ကြောင်း ရန်ကုန်တိုင်း ရထားသွားလာရေးအမှတ်(၇)မှ လက် ထောက် အထွေထွေမန်နေဂျာ ဦးဇော် ဖေစိန်က ပြောသည်။

ယင်းပြောင်းလဲမည့် အဲကွန်း ရထားများမှာ လက်ရှိပြေးဆွဲနေသည့် အဲကွန်းရထားများထက် ပိုမိုကောင်း မွန်စေရန် ပြုလုပ်သွားမည်ဖြစ်ကြောင်း လည်း သိရသည်။

''ဒီပြောင်းလဲမယ့် အစီအစဉ်ကို လာမယ့် ၂ဝ၁၅မှာပြုလုပ်မှာပါ။ ပြု လုပ်ဖို့လဲသေချာပါတယ်။ ပြောင်းလဲ မယ့်ရထားတွေကလဲ လက်ရှိပြေးဆွဲ နေတဲ့ အဲကွန်းရထားတွေထက် ပိုအ ဆင့်မြင့်မှာပါ''ဟု ယင်းကပြောသည်။

ယင်းကဲ့သို့ ရထားများအား ပြောင်းလဲပြီးပါက နေ့စဉ်စီးနင်းသည့် ခရီးသည်များ အခက်အခဲမတွေ့ရန် ပြုလုပ်သွားမည်ဖြစ်ကြောင်း၊ ယင်း ကဲ့သို့ပြောင်းလဲပြီးပါက ရထားစီးခရီး သည်များမှ ရထားများအား မဖျက် ဆီးရန် လိုအပ်ကြောင်းလည်း ယင်း က ဆက်ပြောသည်။

''ပြောင်းလဲမယ့်ရထားတွေက လက်ရှိပြေးဆွဲနေတဲ့ အဲကွန်းရထား တွေထက် အဆင့်မြင့်တဲ့ တွဲဆိုင်းတွေ ပါ။ ဒီလိုတွဲဆိုင်းတွေကို စီးနင်းသူ တွေ မဖျက်ဆီးကြဖို့ အရေးကြီးပါ တယ်''ဟု ဦးဇော်ဖေစိန်ကပြောသည်။

လက်ရှိတွင် ရန်ကုန်မြို့ပတ်ရ ထားအားလုံးနီးပါးမှာ စီးနင်းသူခရီး သည်များ၏ ဖျက်ဆီးမှုများကြောင့် ပျက်စီးမှုများစွာရှိနေသဖြင့် ယင်း သို့ပြောဆိုခြင်းဖြစ်သည်။
ရထားပို့ဆောင်ရေးရှိ ရထား အားလုံးကို အဲကွန်းအသုံးပြုရထား များအဖြစ် ပြောင်းလဲနိုင်ရေးသည် ရထားပို့ဆောင်ရေး၏ ရည်မှန်းချက် တစ်ခုဖြစ်ကြောင်း ထပ်မံသိရသည်။

#TheYangonTimes

Read More

နိုင်ငံခြားငွေလဲလှယ်နှုန်း တစ်ဒေါ်လာ ကျပ် ၁၀၂၀ အထိ အမြင့်ဆုံးတက်လာ

ငွေလဲလှယ်နေသူ အချို့အား တွေ့ရစဉ်

အောက်တိုဘာ ၂၉ ရက် ပြင်ပ နိုင်ငံခြား ငွေလဲနှုန်းတွင် အမေရိကန် တစ်ဒေါ်လာ တန်ဖိုး ကျပ် ၁ဝ၂ဝ ဝန်းကျင်အထိ အမြင့်ဆုံး စံချိန်တင်မြင့်တက်လာကြောင်း ဗဟိုဘဏ်၏ ခွင့်ပြုချက်ရရှိထားသော နိုင်ငံခြား ငွေကြေးလဲလှယ်ရေးလုပ်ငန်း လုပ်ကိုင်ခွင့်ရရှိထားသည့် ပြည်တွင်းပုဂ္ဂလိကဘဏ်များနှင့် ပြင်ပဈေးကွက် အသိုင်းအဝိုင်းမှ သိရသည်။


အောက်တိုဘာ ၂၉ ရက်တွင် ဖြစ်ပေါ်နေသော တစ်ဒေါ်လာတန်ဖိုးမှာ သိမ်ဖြူငွေလဲကောင်တာ၌ ရောင်းဈေး ၁ဝဝ၈ ကျပ် ဝန်းကျင်၊ ဝယ်ဈေး ၁ဝဝဝ ကျပ်ဝန်းကျင်တွင် ရှိနေသည်။ ပြင်ပငွေလဲနှုန်း နံနက်ပိုင်း အဖွင့်ဈေးတွင် တစ်ဒေါ်လာတန်ဖိုးမှာ ရောင်းဈေးကျပ် ၁ဝ၁၃ ဝန်းကျင်၊ ဝယ်ဈေး ၁ဝဝဝ ကျပ်ဝန်းကျင်တွင် ရှိနေခဲ့ပြီး ညနေအပိတ်ဈေးတွင် ရောင်းဈေး ၁ဝ၁၄ ကျပ်အထိ ဆက်တိုက်တက်လာခဲ့သည်။
ယခုရက်ပိုင်းအတွင်း တစ်ရက်လျှင် လေးကျပ်နှုန်းတိုး၍ သတ်မှတ်လာသော ဗဟိုဘဏ်၏ ရည်ညွှန်းနိုင်ငံခြား ငွေလဲနှုန်းနှင့်အတူ ပို့ကုန်ရငွေတန်ဖိုးမှာ အောက်တိုဘာ ၂၉ ရက်တွင် တစ်ဒေါ်လာလျှင် ၁ဝ၂ဝ ကျပ်အထိ အမြင့်ဆုံးမြင့်တက် လာခဲ့ကြောင်း သိရသည်။


ထို့အတူ အောက်တိုဘာ ၂၉ ရက် ဗဟိုဘဏ်၏ ရည်ညွှန်းနိုင်ငံခြားငွေလဲနှုန်း ၁ဝဝ၆ ကျပ်နှင့် သိမ်ဖြူနိုင်ငံခြား ငွေလဲကောင်တာ၏ ရောင်းဈေး ၁ဝဝ၈ ကျပ်ဝန်းကျင်၊ ဝယ်ဈေး ၁ဝဝဝ ကျပ်ဝန်းကျင်တို့မှာ ငွေလဲနှုန်း နှုန်းရှင်သတ်မှတ်ခဲ့သည့် ၂ဝ၁၂ ခုနှစ် ဧပြီ ၂ ရက်မှစ၍ နှစ်နှစ်ကျော်အတွင်း စံချိန်တင်ဈေးနှုန်းများသို့ ပထမဦးဆုံး စတင်ရောက်ရှိလာခဲ့ခြင်း ဖြစ်သည်။
ထို့ပြင် အောက်တိုဘာ ဒုတိယပတ် သိမ်ဖြူငွေလဲကောင်တာတွင် ရောင်းဈေး ၉၉၃ ကျပ်၊ ဝယ်ဈေး ၉၈၇ ကျပ်ဝန်းကျင်တွင် ရှိနေ၍ ပြင်ပဈေးကွက်တွင် တစ်ဒေါ်လာ တန်ဖိုးမှာရောင်းဈေး ၉၉၂ ကျပ်၊ ဝယ်ဈေး ၉၈၈ ကျပ်တွင် ရှိနေခဲ့သည်။


အောက်တိုဘာ တတိယပတ်တွင် တစ်ဒေါ်လာတန်ဖိုး ကျပ် ၁ဝဝဝ ဝန်းကျင်သို့ မြင့်တက်ခဲ့ပြီး အောက်တိုဘာ နောက်ဆုံးပတ် ၂၇ ရက်မှစ၍ တစ်ရက်လျှင် လေးကျပ်နှုန်းဝန်းကျင်အထိ သိသာစွာ မြင့်တက်လာခဲ့ခြင်း ဖြစ်သည်။
ယနေ့ဈေးနှုန်းသည် ၂ဝ၁၄ ခုနှစ် အတွင်း အမြင့်ဆုံး ဒေါ်လာတန်ဖိုး ရောက်ရှိခဲ့သော စက်တင်ဘာလအတွင်း ဖြစ်ပေါ်ခဲ့သည့် ကျပ် ၁ဝဝဝ ဝန်းကျင်ထက် ၁ဝ ကျပ်ဝန်းကျင်အထိ တစ်လခန့်အတွင်း စံချိန်တင် မြင့်ခဲ့ခြင်း ဖြစ်သည်။


http://news-eleven.com

Read More

နိုဝင်ဘာလာမည့် ကန်သမ္မတအိုဘားမားလုံခြုံရေးအတွက် နိုင်ငံတကာ၊ အာဆီယံနှင့် မြန်မာနိုင်ငံရဲတပ်ဖွဲ့သုံးဖွဲ့ ပူးပေါင်းဆောင်ရွက်မည်

(၂၅)ကြိမ်မြောက် အာဆီယံထိပ် သီးအစည်းအဝေးတက်ရောက်ရန် မြန်မာနိုင်ငံသို့ ရောက်ရှိလာမည့် အမေရိ ကန်သမ္မတ၏လုံခြုံရေးကို နိုင်ငံတကာ ရဲတပ်ဖွဲ့၊ အာဆီယံရဲတပ်ဖွဲ့နှင့် မြန်မာ နိုင်ငံရဲတပ်ဖွဲ့များ ပူးပေါင်းဆောင်ရွက် သွားမည်ဟု နိုင်ငံတော်အဆင့်မြင့်အ ရာရှိတစ်ဦးက အောက်တိုဘာ ၂၈ရက် တွင်ပြောသည်။

''လုံခြုံရေးကတော့ အမြင့်ဆုံး ဆောင်ရွက်ထားပါတယ်။ အသေးစိတ် တော့ပြောလို့မရဘူး။ နိုင်ငံတကာရဲတပ် ဖွဲ့၊ အာဆီယံရဲတပ်ဖွဲ့၊ မြန်မာနိုင်ငံရဲတပ် ဖွဲ့တွေနဲ့ ပူးပေါင်းဆောင်ရွက်သွားမယ်'' ဟု ပြောသည်။

အမေရိကန်သမ္မတသည် (၂၅) ကြိမ်မြောက် အာဆီယံထိပ်သီးအစည်း အဝေးတက်ရောက်ရန် နေပြည်တော် သို့နိုဝင်ဘာ ၉ ရက်တွင်ရောက်ရှိမည် ဖြစ်ပြီး ၁၃ ရက်တွင် မြန်မာနိုင်ငံမှပြန် လည်ထွက်ခွာမည်ဖြစ်သည်။ 

ယခုအချိန် တွင် အမေရိကန်သမ္မတနှင့် ၄င်း၏ဝန် ထမ်းများတည်းခိုနိုင်ရန် ကမ္ဘာ့အဆင့် မီကြယ်ငါးပွင့်အဆင့်ရှိ ဟိုတယ်သုံးလုံး ငှားရမ်းထားလျက် ရှိကြောင်း သတင်း များလည်းထွက်ပေါ်လျက်ရှိသည်။

အရပ်သားအစိုးရသစ်လက်ထက် တွင် အမေရိကန်သမ္မတအိုးဘားမား ခရီးစဉ်သည် မြန်မာနိုင်ငံသို့ဒုတိယအ ကြိမ် လာရောက်ခြင်းလည်းဖြစ်သည်။ 

ပထမအကြိမ်ခရီးစဉ်တွင် မြန်မာ နိုင်ငံရေးအတိုက်အခံခေါင်းဆောင် များ၊ တိုင်းရင်းသားအဖွဲ့များနှင့်တွေ့ဆုံ ခဲ့ပြီး ရန်ကုန်တက္ကသိုလ်တွင် မိန့်ခွန်း ပြောဆိုခဲ့သည်။

#TheYangonTimes

Read More

ထိုင်းနိုင်ငံမှ ကြက်နှင့်ကြက်ဥတင်သွင်းမှု မရပ်တန့်ပါက ဥပဒေအရ အရေးယူမည်

ထိုင်းနိုင်ငံအတွင်းမှ တ ရားမဝင်တင်သွင်းလာသည့် ကြက်နှင့် ကြက်ဥများကြောင့် မွန်ပြည်နယ်အ တွင်း ကူးစက်ရောဂါများ ဖြစ်ပွားနိုင် သည့်အတွက် အရေးယူဆောင်ရွက် မည်ဟု မွန်ပြည်နယ် မွေးမြူရေးနှင့်ကု သရေးဦးစီးဌာနမှ သိရသည်။

၂ဝ၁၄ခုနှစ် ဖေဖော်ဝါရီ ၂ရက် တွင် မွန်ပြည်နယ်အတွင်းရှိ ကြက်၊ ဘဲ အဝယ်ဒိုင်များကို ကြက်၊ ဘဲများတင်ပို့ ခြင်းမပြုရန် ခေါ်ယူသတိပေးခဲ့ကာ အောက်တိုဘာ ၁ဝရက်တွင် ဒုတိယ အကြိမ်အနေဖြင့် ကြက်ဥ၊ ဘဲဥဒိုင်များ ကို ထိုကဲ့သို့ တရားမဝင်တင်သွင်းခြင်း မပြုရန် ကုန်သည်များအား ရှင်းပြခဲ့ ကြောင်း သိရသည်။

အောက်တိုဘာ ၂၆ရက်တွင် တ တိယအကြိမ် ခေါ်ယူရှင်းပြပြီးနောက် တရားမဝင် ကြက်နှင့်ကြက်ဥတင်သွင်း နေခြင်းကို မရပ်တန့်ပါက တိရစ္ဆာန် များ စနစ်တကျ မွေးမြူရေးနှင့်ထိန်း ကျောင်းရေးဥပဒေအရ ထိရောက်စွာ အရေးယူဆောင်ရွက်သွားမည်ဟု မွန် ပြည်နယ် မွေးမြူရေးနှင့်ကုသရေးဦးစီး ဌာနမှ ပြည်နယ်မှူး ဒေါက်တာအောင် သန်းဦးက ပြောသည်။

''တတိယအကြိမ်ရှင်းပြပြီးတော့ မှ ဆက်တင်သွင်းခဲ့မယ်ဆိုရင်တော့ ပိတ်ဆို့ဖမ်းဆီးမှု ပြုလုပ်မှာဖြစ်တယ်။ ဒီလိုလုပ်ရင် ကုန်သည်တွေနစ်နာမှုရှိ လာမယ်။ တစ်ယောက်မှမနစ်နာခင် အခုလို ပညာပေးမှု၊ အသိပေးမှုတွေ လုပ်ခြင်းဖြစ်ပါတယ်''ဟု ၄င်းကပြော သည်။

တရားမဝင် တင်သွင်းလာသော အသားစားကြက်နှင့် ကြက်ဥများသည် ကြက်ငှက်တုပ်ကွေးကဲ့သို့သော ရောဂါ ပိုးများ ကူးစက်နိုင်ခြင်း၊ ပြည်တွင်းမှ ကြက်ပေါက်နှင့် ကြက်ဥဖြန့်ချိနေသည့် လုပ်ငန်းရှင်များကို ထိခိုက်နိုင်သည့် အတွက် ယခုကဲ့သို့ ဆောင်ရွက်ခြင်း ဖြစ်သည်ဟု မွန်ပြည်နယ် မွေးမြူရေး နှင့်ကုသရေးဦးစီးဌာနမှ သိရသည်။

လက်ရှိတွင် မွန်ပြည်နယ်အတွင်း ၌ ကြက်အရောင်းအဝယ်ဒိုင် သုံးဒိုင်ရှိ ပြီး ဒေသတွင်း ကြက်မွေးမြူသူများ ရောင်းချသည့် ကြက်အသားဈေးမှာ ကျပ် ၃၂ဝဝပေါက်ဈေးရှိပြီး ထိုင်းနိုင်ငံ မှတင်ပို့သည့် ကြက်အသားဈေးမှာ ကျပ် ၃ဝဝဝ ဝန်းကျင် ဈေးပေါက်ကြောင်း သိရသည်။

#TheYangonTimes

Read More

အစိုးရအဆက်ဆက် အဂတိလိုက်စားမှုကြောင့် ဘိန်းစိုက်ပျိုးမှုပပျောက်ရေး မအောင်မြင်ဟုဆို

 

မြန်မာနိုင်ငံတွင် ဘိန်းစိုက် ပျိုးမှု ပပျောက်ရေးအတွက် အစိုးရ အဆက်ဆက်မှ စီမံကိန်းများဖြင့် အ ကောင်အထည်ဖော် ဆောင်ရွက်ခဲ့ သော်လည်း မအောင်မြင်ခဲ့ရခြင်းအ ကြောင်းအရင်းများထဲတွင် အဂတိ လိုက်စားမှုရှိခြင်း အချက်သည်လည်း အပါအဝင်ဖြစ်သည်ဟု ပအို့ဝ်လူငယ် အစည်းအရုံး(PYO)နှင့် တောင်တန်း ဒေသ လူမှုဖွံ့ဖြိုးရေးလှုပ်ရှားဆောင် ရွက်မှုအဖွဲ့(AHLSD) တို့ပူးပေါင်း ပြီး ဘိန်းနွံတွင်းက ငိုရှိုက်သံအမည် ဖြင့် အောက်တိုဘာ ၂၄ရက်က ထုတ် ဝေသော အစီရင်ခံစာတွင် ဖော်ပြ ထားသည်။

AHLSD မှ ကိုခွန်ချန်ကီက ''ဘိန်းပပျောက်ရေးအတွက် စီမံကိန်း များချမှတ်တဲ့နေရာမှာ အဂတိလိုက် စားမှုပပျောက်ရေးအတွက် သက်ဆိုင် ရာအစိုးရအနေနဲ့လဲ အရေးယူပြစ် ဒဏ်ချမှတ်မှုတွေ လုပ်ဖို့လိုပါတယ်။ လွှတ်တော်မှာ ဘိန်းပပျောက်ရေးအ တွက် အတည်ပြုထားတဲ့ ဥပဒေတွေ ကိုလဲ အကောင်အထည်ဖော် ဆောင် ရွက်ဖို့လိုပါတယ်။ ပြည်သူတွေအနေ နဲ့လဲ ဒါအစိုးရတာဝန်ပဲဆိုပြီး မနေ သင့်ဘဲ ပူးပေါင်းပါဝင်ဖို့လဲလိုပါတယ်'' ဟု ပြောသည်။

တော်လှန်ရေးကောင်စီအစိုးရ လက်ထက်တွင် ၁၉၆၄-၁၉၆၉ လေး နှစ် ဘိန်းပပျောက်ရေးစီမံကိန်း ချမှတ် ခဲ့သော်လည်း အစိုးရ၏ကာကွယ်ရေး တပ်ဖွဲ့များ စိုးမိုးထားသော ရှမ်းပြည် နှင့် တရုတ်နိုင်ငံနယ်စပ်တစ်လျှောက် ရှိဒေသများတွင် ဘိန်းစိုက်ပျိုးထုတ် လုပ်မှုရာခိုင်နှုန်း ၈ဝ ရှိခဲ့သဖြင့်စီမံ ကိန်း မအောင်မြင်ခဲ့ဟု အဆိုပါအစီ အရင်ခံစာတွင် ဖော်ပြထားသည်။

မဆလအစိုးရလက်ထက်တွင် ၁၉၇၆-၁၉၉ဝ မူးယစ်ဆေးဝါးနှိမ်နှင်း ရေး ၁၅နှစ်စီမံကိန်းအား ကုလသမဂ္ဂ နှင့်ပူးပေါင်းပြီး ချမှတ်ခဲ့သော်လည်း အစိုးရ၏ 'ဖြတ်လေးဖြတ်'စစ်ဆင်ရေး ကြောင့် ဒေသခံများမှာ စပါး၊ ကောက်ပဲ သီးနှံများအစား ငွေဖြစ်လွယ်သည့် ဘိန်းကိုစိုက်ပျိုးခဲ့ကြသည်။

နဝတအစိုးရလက်ထက်တွင် ၁၉၉၁ခုနှစ်၌ ကုလသမဂ္ဂနှင့်ပူးပေါင်း ပြီး ၁၉၉၉-၂ဝ၁၄ မူးယစ်ဆေးဝါး နှိမ်နှင်းရေး ၁၅နှစ်စီမံကိန်းချမှတ်ခဲ့ သော်လည်း တစ်နိုင်ငံလုံးအတိုင်းအ တာဖြင့် ဘိန်းစိုက်ပျိုးမှုမှာ ၃၃၂ ရာ ခိုင်နှုန်းအထိ မြင့်တက်လာခဲ့သည် ဟု ဖော်ပြထားသည်။

PYO ၏စီမံကိန်းဦးစီးမှူး ကို ခွန်ဦးက ''စီမံကိန်းကိုငါးနှစ်ထပ်တိုး ထားတယ်လို့ပြောပါတယ်။ စီမံကိန်း အတွင်းမှာ တကယ်ထိထိရောက်ရောက် လုပ်သွားဖို့ပဲ တောင်းဆိုချင်ပါတယ်။ နှစ်တစ်နှစ်အနေနဲ့ စီမံကိန်းကာလ ဘယ်လောက် သတ်မှတ်ဖို့လိုတယ်လို့ တော့ မတိုက်တွန်းချင်ပါဘူး။ ဘိန်း ကိစ္စကြောင့် တခြားသော ရွေးကောက် ပွဲကိစ္စတွေ၊ နိုင်ငံရေးကိစ္စတွေ ရပ်တန့် မသွားစေချင်ပါဘူး''ဟု ပြောသည်။

၁၉၆၄ ခုနှစ်မှ ၂ဝ၁၄ခုနှစ်ထိ အစိုးရအဆက်ဆက်မှ ဘိန်းပပျောက် ရေး စီမံကိန်းကြီးသုံးခုကို နှစ်ပေါင်း ၃၄နှစ်ကြာ အကောင်အထည်ဖော် ဆောင်ရွက်ခဲ့သော်လည်း မြန်မာနိုင်ငံ သည် ကမ္ဘာပေါ်တွင် ဒုတိယအများ ဆုံးဘိန်းထုတ်နိုင်ငံအဖြစ် ရပ်တည် နေဆဲဖြစ်သည်။

#TheYangonTimes

 

Read More

ဒီဇင်ဘာလကုန်တွင် လူဦးရေ၏ ၂၅သန်းအထိ ကွန်ရက်ဖြန့်ကြက်နိုင်တော့မည်ဟု အော်ရီဒူးပြော

၂ဝ၁၄ခုနှစ် ဒီဇင်ဘာလကုန် ပိုင်းတွင် နိုင်ငံလူဦးရေ၏ ၂၅သန်းအ ထိ ဖုန်းသုံးစွဲနိုင်မည့် ကွန်ရက်ဖြန့်ကြက် မှုကိုလုပ်ဆောင်နိုင်တော့မည်ဟု အော် ရီးဒူး ဆက်သွယ်ရေးကုမ္ပဏီက ထုတ် ဖော်ကြေညာလိုက်သည်။

အောက်တိုဘာ ၁ဝရက်တွင် နောက် ဆုံးကောက်ယူရရှိသည့်အချက်အလက် များအရ အော်ရီဒူးမြန်မာ၏နောက်ဆုံး ပေါ် မျိုးဆက်သစ်ကွန်ရက်က လွှမ်း ခြုံဖြန့်ကြက်လိုက်နိုင်မှု ပမာဏသည် လူဦးရေ ၁၂ ဒသမ၅သန်းအထိရှိနေပြီ ဖြစ်ကြောင်း အော်ရီဒူးမြန်မာ၏စီးပွား ရေးလုပ်ငန်းများဆိုင်ရာဌာန၏ အမှု ဆောင်အရာရှိဦးကျော်မင်းစိုးက ဆို သည်။

ရန်ကုန်မြို့တော်နှင့် တိုင်းဒေသကြီး အတွင်းတွင် စုစုပေါင်း ၄၄ မြို့နယ်ရှိ သည့်အနက် အောက်တိုဘာလကုန် ပိုင်းတွင် စုစုပေါင်း ၃၉ မြို့နယ်အထိ ကွန်ရက်ဖြန့်ကြက်နိုင်တော့မည်ဖြစ် ၍ ရန်ကုန်မြို့တော်၏အကျယ်အဝန်း ၉၅ရာခိုင်နှုန်းကို လွှမ်းခြုံထားနိုင်မည် ဟု သိရသည်။

ထို့ပြင် မန္တလေးတိုင်း ဒေသကြီးအတွင်းရှိ စုစုပေါင်း ၂၈မြို့ နယ်အနက် ၁၇မြို့နယ်ကို အောက်တို ဘာလကုန်ပိုင်းတွင် ကွန်ရက်လွှမ်းခြုံ ထားနိုင်မည်ဟု အော်ရီဒူးမြန်မာအမှု ဆောင်အရာရှိချုပ်က ဆိုသည်။

#TheYangonTimes

Read More

ဗြိတိန်စုံတွဲအား သတ်မှုဖြင့်စွပ်စွဲခံထားရသူ မြန်မာနှစ်ဦးအတွက် ဒုတိယအကြိမ် DNA စစ်ဆေးခွင့်ပြု

ထိုင်းနိုင်ငံ ခိုတောင်ကျွန်းတွင် ဗြိတိန်စုံတွဲအား သတ်ဖြတ်မှုဖြင့်စွပ် စွဲခံထားရသော မြန်မာအမျိုးသား နှစ်ဦးအား DNA စစ်ဆေးမှုထပ်မံ ပြုလုပ်ရန် ထိုင်းရဲတပ်ဖွဲ့က ခွင့်ပြု ပေးလိမ့်မည်ဟု ထိုင်းဝန်ကြီးချုပ်ပ ရာယုသ်က အောက်တိုဘာ ၂၉ ရက်ကပြောသည်။

နှစ်လောင်းပြိုင်လူသတ်မှုအ တွက် စွပ်စွဲခံထားရသည့် မြန်မာရွှေ့ ပြောင်းအလုပ်သမားနှစ်ဦး၏ DNA သည် အသတ်ခံခဲ့ရသူနှစ်ဦးမှ တစ်ဦး ၏ ခန္ဓာကိုယ်မှရရှိသော DNA နမူ နာနှင့်တူညီနေကြောင်း အခိုင်အမာ ပြောကြားခဲ့ပြီး စွပ်စွဲခံရသူနှစ်ဦးက လည်း ၄င်းတို့ကျူးလွန်ကြောင်း ဝန် ခံခဲ့သည့်အတွက် ထိုလူသတ်မှုအား ထိုင်းရဲ့တပ်ဖွဲ့၏ ကိုင်တွယ်ဖြေရှင်းမှု ကို အစောပိုင်းကချီးကျူးခဲ့ကြသည်။ သို့သော်နောက်ပိုင်းတွင် ဝေဖန်မှုများ စွာ ဖြစ်ပေါ်လာသည်။

မြန်မာအလုပ်သမားနှစ်ဦးဖြစ် သူ ဇော်လင်းနှင့် ဝင်းဇော်ထွန်းတို့ သည် ဗြိတိန်အမျိုးသားကိုသတ်မှု၊ အမျိုးသမီးကို အဓမ္မကျင့်သတ်ဖြတ် မှုတို့ဖြင့် တရားစွဲခံခဲ့ရပြီး ၄င်းတို့က လည်း ဝန်ခံခဲ့သည်။ သို့သော် မကြာ သေးမီက ၄င်းတို့နှစ်ဦးက လူသတ် သည်ဟူသော ၄င်းတို့၏ဝန်ခံမှုကိုရုပ် သိမ်းကာ ထိုင်းရဲများ၏ညှဉ်းပန်းနှိပ် စက်မှုကြောင့် ဝန်ခံရခြင်းဖြစ်သည် ဟု ပြန်လည်စွပ်စွဲခဲ့သည်။

ယင်းကြောင့် လူသတ်မှုအပေါ် ထိုင်းရဲ၏ကိုင်တွယ် ဖြေရှင်းပုံနှင့်ပတ်သက်၍ ထိုင်းနိုင်ငံ တွင်သာမက နိုင်ငံခြား၌ပင်ဝေဖန်မှု များရှိလာသည်။ ယင်းကြောင့် ဒုတိ မြောက် DNA စစ်ဆေးမှုပြုလုပ် ရန် ခွင့်ပြုခဲ့ခြင်းလည်းဖြစ်သည်။

''သံသယရှိသူတွေကို နောက် တစ်ကြိမ် DNA စစ်ဖို့ ခွင့်ပြုပေးမှာ ပါ။ စုံစမ်းစစ်ဆေးမှုမှာ မတရားဟု ထင်နေသူများရှိခြင်းကြောင့် ဒီလိုခွင့် ပြုပေးရတာပါ''ဟု ထိုင်းဝန်ကြီးချုပ် ပရာယုသ်က အပတ်စဉ်အစိုးရအဖွဲ့ အစည်းအဝေးပြီးနောက် သတင်း ထောက်များကို ပြောခဲ့သည်။

ထိုသို့ပြန်လည်စစ်ဆေးခြင်း သည် ထိုင်းရဲတပ်ဖွဲ့၏ လုပ်ပိုင်ခွင့် ဖြစ်ပြီး မြန်မာသံရုံးအနေဖြင့် ဝင် ရောက်စွက်ဖက်ပိုင်ခွင့်မရှိသည့်အ တွက် DNA စစ်ဆေးရာတွင် ပွင့် လင်းမြင်သာမှုမရှိမည်ကို မြန်မာသံ ရုံး အထူးစုံစမ်းရေးအဖွဲ့အနေဖြင့် စိုးရိမ်ကြောင်း သံရုံးအထူးကိုယ် စားလှယ်အဖွဲ့မှ သိရသည်။

မြန်မာသံရုံးအထူးစုံစမ်းရေး အဖွဲ့ ကိုမင်းဦးက

''ဘားပိုင်ရှင် သူဌေးသားကိုပါ စစ်ဆေးခွင့်ရပြီလို့ သိရပါတယ်။ ကာယကံရှင် (ဘားပိုင် ရှင်၏သား) ကိုယ်တိုင်ကလဲ စစ်ဆေး ခွင့်ပြုပြီလို့ကြားတယ်။ ဒါပေမဲ့ အဲ့ဒီ စစ်ဆေးချက်အပေါ်ကိုတော့ ပွင့်လင်း မြင်သာမှုရှိမရှိကို စိုးရိမ်ရမယ့်အနေ အထားပါ။ တရားခံတွေရဲ့ sample က ဘယ်လိုရှိလဲမသိတဲ့အပြင် ဒီ လိုစစ်ဆေးမှုကို ထိုင်းရဲရဲ့ လုပ်ပိုင် ခွင့်အပိုင်းဆိုတော့ ကြားဝင်ပိုင်ခွင့် လဲမရှိပါဘူး။ အဲ့ဒီစစ်ချက်ပေါ် မူ တည်ပြီး အခြေအနေဘယ်လိုပြောင်း သွားမလဲဆိုတာ ခန့်မှန်းရခက်ပါ တယ်''ဟု ပြောသည်။

ဝေဖန်ခံနေရသော်လည်း ထိုင်း ရဲကဝေဖန်မှုများကို ပြင်းပြင်းထန်ထန် ငြင်းဆိုကာ ၄င်းတို့သည် သံသယရှိသူ များနှင့် သေဆုံးသူအမျိုးသမီးထံမှ ရရှိသော DNA များကို သေချာ စစ်ဆေးပြီး တူညီနေသောကြောင့် ယင်းကိုအခြေခံ၍ အမှုကိုအခိုင်အ မာတည်ဆောက်ခဲ့ခြင်းဟု ဆိုသည်။

ထိုလူသတ်မှုအား စုံစမ်းခြင်းအတွက် စိုးရိမ်ကြောင်း ဗြိတိန်အစိုးရကပြော ကာ စုံစမ်းမှုတွင်ပါဝင်ကူညီမည်ဟု ကမ်းလှမ်းမှုကြောင့် ထိုင်းအစိုးရက ဗြိတိန်ရဲများကို စုံစမ်းစစ်ဆေးမှုများ တွင် လေ့လာသူအဖြစ်ပါဝင်ရန် ခွင့် ပြုပေးခဲ့သည်။

KZCH, KM, AFP

#Democracytoday

Read More

ကမ္ဘာ့အရပ်အရှည်ဆုံး ဆယ်ကျော်သက်အဖြစ် စံချိန်တင်ခဲ့သူ

အမေရိကန်နိုင်ငံ ၊ မီချီဂန်း ပြည်နယ် ၊ ဂျက်ဆင်မြို့လေးမှာ နေထိုင်တဲ့ အသက် အသက် ၁၇ နှစ်သာရှိသေးသော Broc Brown ဟာ ၂၀၁၅ ခုနှစ်အတွက် ကမ္ဘာပေါ်မှာ အရပ်အရှည်ဆုံး ဆယ်ကျော်သက် အဖြစ် ၂၀၁၄ ခုနှစ် ဧပြီလမှာ တရားဝင် တိုင်းတာကာ စံချိန်တင်နိုင်ခဲ့ပါတယ်။ သူရဲ့ အရပ်ကတော့ ၇ ပေ ၁.၅ လက်မရှိပါတယ်။

Ref : GWR

#YangonMediaGroup™

Read More

အိပ်ရင်းနဲ့ကွန်ပြူတာ သုံးချင်သူများအတွက်

အိပ်ရင်းနဲ့တော့ ဘယ်သုံးလို့ရပါ့မလဲ။ လှဲလျောင်းနေတဲ့ Position ကနေ အသုံးပြုလို့ရမယ်လို့ ဆိုလိုခြင်း ဖြစ်ပါတယ်။ 


အောက်ကိုလည်း မကျစေရဘူးလို့ ထုတ်လုပ်သူတို့က အာမခံထားပါတယ်။ အပူလွန်ကဲမှုကို ကာကွယ်ပေးဖို့အတွက်လည်း စားပွဲမှာ ပန်ကာ အဆင်သင့် ပါရှိပြီးသား ဖြစ်ပါတယ်။ အောက်ကို လပ်တော့ မကျနိုင်အောင်လည်း အဆင့်ဆင့် ချည်နှောင်၊ တပ်ဆင်ထားပေးတဲ့အတွက် သုံးနေရင်းနဲ့ အိပ်ပျော် သွားမယ်ဆိုရင်တောင် ရတယ်လို့ ဆိုပါတယ်။ 

အိပ်နေတဲ့ အနေအထားမှာတင် မကပါဘူး။ ထိုင်နေရင်းနဲ့လည်း စားပွဲတစ်လုံးလို ပြင်လို့ အသုံးပြုနိုင်မယ်လို့ ဆိုပါတယ်။ ထိုင်နေရင်းမှ ခါးညေင်းလာလို့ အိပ်ပြီး အသုံးပြုချင်သပဆိုရင် ပုံမှာ မြင်တွေ့ရတဲ့အတိုင်း Position ပြောင်းပေးလိုက်ရုံပဲလို့ ဆိုပါတယ်။ 

သို့ပေမယ့် လက်တော့ ညောင်းမှာတော့ အမှန်ပါပဲ။ ဥာဏ်ကြီးကြီးနဲ့ ထုတ်လုပ်လိုက်တာကတော့ ဂျပန်နိုင်ငံမှဖြစ်ပြီး ညလုံးပေါက် Facebook သုံးတဲ့သူများအတွက် အံကိုက်ဖြစ်လောက်မယ်ထင်ပါတယ်။

အိပ်ရင်းနဲ့တော့ ဘယ်သုံးလို့ရပါ့မလဲ။ လှဲလျောင်းနေတဲ့ Position ကနေ အသုံးပြုလို့ရမယ်လို့ ဆိုလိုခြင်း ဖြစ်ပါတယ်။ 


အောက်ကိုလည်း မကျစေရဘူးလို့ ထုတ်လုပ်သူတို့က အာမခံထားပါတယ်။ အပူလွန်ကဲမှုကို ကာကွယ်ပေးဖို့အတွက်လည်း စားပွဲမှာ ပန်ကာ အဆင်သင့် ပါရှိပြီးသား ဖြစ်ပါတယ်။ အောက်ကို လပ်တော့ မကျနိုင်အောင်လည်း အဆင့်ဆင့် ချည်နှောင်၊ တပ်ဆင်ထားပေးတဲ့အတွက် သုံးနေရင်းနဲ့ အိပ်ပျော် သွားမယ်ဆိုရင်တောင် ရတယ်လို့ ဆိုပါတယ်။ 

အိပ်နေတဲ့ အနေအထားမှာတင် မကပါဘူး။ ထိုင်နေရင်းနဲ့လည်း စားပွဲတစ်လုံးလို ပြင်လို့ အသုံးပြုနိုင်မယ်လို့ ဆိုပါတယ်။ ထိုင်နေရင်းမှ ခါးညေင်းလာလို့ အိပ်ပြီး အသုံးပြုချင်သပဆိုရင် ပုံမှာ မြင်တွေ့ရတဲ့အတိုင်း Position ပြောင်းပေးလိုက်ရုံပဲလို့ ဆိုပါတယ်။ 

သို့ပေမယ့် လက်တော့ ညောင်းမှာတော့ အမှန်ပါပဲ။ ဥာဏ်ကြီးကြီးနဲ့ ထုတ်လုပ်လိုက်တာကတော့ ဂျပန်နိုင်ငံမှဖြစ်ပြီး ညလုံးပေါက် Facebook သုံးတဲ့သူများအတွက် အံကိုက်ဖြစ်လောက်မယ်ထင်ပါတယ်။

Read More

တစ်စုံတစ်ယောက်

သင်မှာ သင့်ကိုနားလည်ပေးနိုင်တဲ့ တစ်စုံတစ်ယောက်
သင့်ကို စိတ်ရှည်သည်းခံပေးနိုင်တဲ့ တစ်စုံတစ်ယောက်
သင့်ကို စစ်မှန်စွာချစ်ခင်နိုင်တဲ့ တစ်စုံတစ်ယောက်
သင့်ကို ဂရုစိုက်ပေးနိုင်တဲ့ တစ်စုံတစ်ယောက်
သင့်ကို အလေးထားပေးနိုင်တဲ့ တစ်စုံတစ်ယောက်
သင့်ကို ဂုဏ်ယူလေးစားနိုင်တဲ့ တစ်စုံတစ်ယောက်
သင့်ကို နေ့စဉ် ဖုန်းမခေါ် စာမပိုပဲ မနေနိုင်တဲ့ တစ်စုံတစ်ယောက်
သင့်ကို ပေးထားတဲ့ အချိန်တွေမှာ မပျက်ကွက်နိုင်တဲ့ တစ်စုံတစ်ယောက်
သင့်ကို ဆုံးရှုံးသွားရမှာကို ကြောက်နေတဲ့ တစ်စုံတစ်ယောက်
အဲလို တစ်စုံတစ်ယောက်ရှိနေပါက သူကိုပြန်ချစ်ခင်လိုက်ပါ ။

အဲဒီ တစ်စုံတစ်ယောက်ရဲ့ ချစ်ခင်မှု ဂရုစိုက်မှုတွေကို ခွင့်ပြုဖိုရန်အတွက် နောင့်နေးမနေပါစေနဲ့ ။
အဲဒီ တစ်စုံတစ်ယောက်ကို အရေးမပါတဲ့ မတိုက်ဆိုင်မှု အနည်းငယ်ကြောင့် သင့်လက်မှ လက်လွတ်ဆုံးရှုံးမှု ဖြစ်သွားဖို ခွင့်မပြုလိုက်ပါနဲ့ ။

အကယ်၍ သင့်က တစ်စုံတစ်ခု မှားယွင်းစွာပြုလုပ်မိခဲ့ရင် ၀န်ခံပြီး ခွင့်လွတ်ပေးဖို အတွက် တောင်းပန်လိုက်ပါ ။

အဲဒီတစ်စုံတစ်ယောက်ကို နူးညံသိမ်မွေ့စွာ ဆုတ်ကိုင်ထားလိုက်ပါ ။
အဲဒီတစ်စုံတစ်ယောက်ကို နားပူနားဆာ ဒုက္ခပေးမယ့်အလုပ်မျိုးမလုပ်မိပါစေနဲ့ ။
အဲဒီတစ်စုံတစ်ယောက်ကို ယုံကြည်စွာ သစ္စာရှိလိုက်ပါ ။

Credit to: Original Writer

နည်းစနစ်ကျကျအတွေးအခေါ်

Read More

နာရီစုစုပေါင်း (၂၁၆) နာရီကြာမျှ ကမ္ဘာကြီးဟာ အလင်းရောင်လုံးဝမရှိတဲ့ အမှောင်ကမ္ဘာကြီး ဖြစ်နေလိမ့်မည်

NASA Report
27-10-2014

၂၀၁၄ ခုနှစ် ဒီဇင်ဘာလထဲမှာ ကမ္ဘာကြီးဟာ(၆)ရက်တိုင်တိုင် အလင်းရောင်မရှိတဲ့ လုံးဝမဲမှောင်နေမယ့် အမှောင်ကမ္ဘာကြီး အဖြစ်ရောက်ရှိလာလိမ့်မယ်လို့ နာဆာ(NASA) အကြီးအကဲများက အတည်ပြုပြောကြားလိုက်ပါတယ်။

၂၀၁၄ ခုနှစ်၊ (၁၆-၁၂-၂၀၁၄)အင်္ဂါနေ့မှအစပြုပြီး (၂၂-၁၂-၂၀၁၄) တနင်္လာနေ့အထိ (၆)ရက်တိုင်တိုင် အလင်းရောင်လုံးဝမရှိတဲ့ အမှောင်ကမ္ဘာကြီးအဖြစ်နဲ့ ကြုံတွေ့ရလိမ့်မယ်လို့ နာဆာအဖွဲ့ကြီးမှ အတည်ပြုပြောကြားလိုက်ပါတယ်။ အဆိုပါ(၆)ရက်တာကာလအတွင်း (၃)ရက်တာ ကာလဟာ နေရောင်ခြည် လုံးဝမရောက်လာနိုင်တဲ့ ကမ္ဘာအဖြစ် ရှိနေမယ် လို့လည်းဆိုပါတယ်။ အကြောင်းကတော့ နေမှာဖြစ်ပေါ်လာမယ့် နေမုန်တိုင်းများ(Solar storms) ကြောင့် ထွက်ရှိလာမယ့် ဖုံမှန်(dust) များကြောင့် အာကာသထဲတွင် အမှိုက်သရိုက်များ (space debris) အမြောက်အများ ထွက်ရှိလာရာမှ နေရောင်ခြည်ရဲ့ ၉၀% ကို ဖုံးကွယ်သွားကြမှာကြောင့် ဖြစ်တယ်လို့ ဆိုပါတယ်။

ဒါပေမယ့် နာဆာအကြီးအကဲကတော့ လူအများနေနဲ့ စိုးရိမ်စိတ်မလွန်ကဲကြရန် (မစိုးရိမ်ပါနဲ့လို့ ပြောတာမဟုတ်ပါ)၊စိတ်ကိုတည်တည်ငြိမ်ငြိမ်ထားကြရန်တိုက်တွန်းသွားပါတယ်။ ဒါဟာ နေမုန်တိုင်း ကျရောက်မှုရဲ့အကျိုးဆက်တစ်ခုဖြစ်ပြီး၊ လွန်ခဲ့တဲ့ နှစ်ပေါင်း (၂၅၀) အတွင်းမှာ အပြင်းထန်ဆုံးဖြစ်ပြီး နာရီစုစုပေါင်း(၂၁၆)နာရီကြာမြင့်မှာ ဖြစ်ကြောင်းကိုလည်း
ပြောပြသွားခဲ့ပါတယ်။

အဆိုပါ(၆)ရက်တာအတွင်း ကာလဟာ ကမ္ဘာမြေကိုမကြာမှီရောက်လာတော့မယ်ဖြစ်လင့်ကစား ကမ္ဘာသူကမ္ဘာသားများအနေနဲ့ စိုးရိမ်ပူပန်စရာမလိုပါကြောင်း၊ ကမ္ဘာကြီးအနေနဲ့ ပြဿနာ ကြီးကြီးမားမားကြုံတွေ့စရာမရှိပါကြောင်း၊ အဲဒီကာလအတွင်း ဖြစ်လာနိုင်သမျှ အနောက်အယှက် တွေနဲ့ထိခိုက်မှုတွေကို ကာကွယ်ဖို့ကတော့ သဘာဝမဟုတ်တဲ့ အလင်းရောင်တွေ ကိုသာ အသုံးပြုကြ ဖို့ပဲရှိပါတယ်လို့ နာဆာအကြီးအကဲ တာဝန်ရှိ သူများက ပြောကြားသွားကြပါတယ်။

 

ဒေါက်တာထွန်းလွင်

Read More

ယာက္ခမကို တိုက်တဲ့ဆေး

အမျိုးသမီး တစ်ဦးဟာ အိမ်ထောင် ကျပြီးတော့ အမျိုးသားရဲ့ အိမ်မှာ နေရပါတယ်။ ဒီတော့ ယောက္ခမနဲ့ နေ့တိုင်း ပြောဆို ဆက်ဆံရပြီး ဘယ်လိုမှ မတည့်ဘူးတဲ့။ စကားများရ၊ ရန်ဖြစ်ရ ခဏခဏ ဖြစ်ပြီး စိတ်လည်း အင်မတန် ညစ်သတဲ့။ ယဉ်ကျေးမှု အရလည်း ဖြစ်၊ ဘာသာရေး အရလည်း ဖြစ်တော့ ယောက္ခမကို ကြည့်မရလည်း ထမင်းခူးပေးရတယ်။ ပြင်ဆင်ပေးရ ပါတယ်။

တစ်နေ့တော့ ဒီဒဏ်တွေကို မခံနိုင်လို့ အမျိုးသမီးရဲ့ အဖေဖြစ်သူထံ သွားပြီး အကြံအဥာဏ်တောင်းတယ်။ အဖေဖြစ်သူကလည်း ယောက္ခမ စားတဲ့ ထမင်းတိုင်းမှာ ဆေးကို နည်းနည်းဆီ ခက်ပြီး ၆ လအတွင်း မသိမသာ နဲ့ သေဆုံးသွားအောင် လုပ်ရန်ရကြောင်း နည်းလမ်းပေးပါ တယ်။ ပြီးတော့ ဆေးလဲ ပေးလိုက် ပါသတဲ့။ ဒါမှလည်း သေကြောင်း ကြံကြောင်းကို မသိမှာ ဖြစ်ကြောင်းလည်း ဆိုပါတယ်။

ဒါကြောင့် ဆေးရသွားတဲ့ အမျိုးသမီးဟာ နေ့တိုင်း သူ့ယောက္ခမ စားတဲ့ ထမင်းတိုင်းမှာ ယင်းအဆိပ်ကို ထည့်ပါတယ်။ ဒီတော့ အဆိပ်ထည့်တဲ့ ကာလ အတွင်းတော့ အဆင်ပြေအောင် ပေါင်းရမယ် ဆိုပြီးတော့ ကောင်းမွန်စွာ ပြောဆို ဆက်ဆံပါတယ်။ ဒီလိုနဲ့ ပြောဆိုဆက်ဆံမှု ယဉ်ကျေးပြီး အလျော့ပေး တတ်တဲ့ ချွေးမကြောင့် ယောက္ခမလည်း ပြောင်းလဲ လာပါတယ်။ တဖြည်းဖြည်း အကောင်းမြင်ပေးတတ် လာပြီး အတ္တတွေ နည်းလို့ အဆင်ပြေလာကြ ပါတယ်။ ပတ်ဝန်းကျင်မှာလည်း ချွေးမလည်း လိမ္မာကြောင်း တော်ကြောင်းကို သတင်းကောင်းများ ပြောလေ့ ရှိပါတယ်။ ဒါကြောင့်မို့ သူတို့ မိသားစုလေး ဟာ အတော်လေး သာယာ အဆင်ပြေ နေပါပြီ။

ဒီတော့ အဆိပ်ခက်မိတဲ့ အမျိုးသမီးက နောင်တရနေတဲ့။ ဒါကြောင့် သူ့အဖေဆီ ပြန်သွားပြီး တောင်းဆို ပါတယ်။ လက်ရှိ ခက်ထားတဲ့ အဆိပ်ကို ပြေအောင် လုပ်နိုင်တဲ့ ဆေးပြန်ပေးပါပေါ့။ ဒါနဲ့ အဖေက ပြန်ဖြေ ပါတယ်။

"ငါ့သမီးကို ပေးလိုက်တာ အဆိပ် မဟုတ်ပါဘူး။ နေ့စဉ် ကျန်းမာစေဖို့ အားပါဝင်တဲ့ ဗီတာမင် ဆေးတွေပါ။ သမီးရဲ့ စိတ်ထဲမှာ ကိန်းအောင်းနေတဲ့ အဆိပ်ကိုသာ အဖေ ဖယ်ရှားပေးလိုက်တာပါ"

သင်ခန်းစာ -

လူတွေနဲ့ ပြောဆို ဆက်ဆံတဲ့အခါ ဟိုလူမကောင်းဘူး၊ ဒီလို မကောင်းဘူးလို့ ပြောနေမယ့်အစား အရင်ဆုံး ကိုယ်ကိုယ်ကို ကောင်းအောင် အရင်ပြောင်းလဲ ကြည့်ပါ။ ပတ်ဝန်းကျင်က အလိုအလျောက် ပြောင်းလဲ လာလိမ့်မယ်။ သင်ကောင်းလျှင် ကျိုးမဆိုးပါ မဟုတ်။ သင်ကောင်းကောင်း မကောင်းကောင်း ကိုယ်မဆိုးဖို့ လိုအပ်သည်။ ကိုယ်ကောင်းဖို့ လိုအပ်သည်။ လုံးဝ ပြုပြင်မရသော လူတို့နှင့် ကံအကြောင်းကြောင်းကြောင့် မြင်တွေ့၊ ကြုံတွေ့ ရလျှင်တောင် "လူတိုင်းဟာ မေတ္တာနှင့် မထိုက်တန် လျှင်တောင် မိမိကိုယ်ကိုက မေတ္တာနှင့် ထိုက်တန်သည်ဟု သတ်မှတ်ယူ၍ အမြဲ ကောင်းအောင် နေရ ပါမည်"။ မေတ္တာဟူက ရောင်ပြန်ဟပ်သည်။

အောင်ခမ်း (ရိုးရာလေး)

Read More

အခြေအနေ မကောင်းတဲ့ မြန်မာ့ပြုပြင်ပြောင်းလဲရေး

 

အမေရိကန် သမ္မအိုဘားမားနှင့် သမ္မတ ဦးသိန်းစိန်တိုပ အိမ်ဖြူတော်တွင် တွေ့ဆုံစဉ် (ဓာတ်ပုံ – asiannew.net) 

 

 

လာမည့် နိုဝင်ဘာလသည် သမ္မတဦးသိန်းစိန် ဦးဆောင်သည့် အရပ်သားတပိုင်း အစိုးရကို ဖွဲ့စည်းနိုင်ခဲ့သော မှတ်တိုင် တခုဖြစ်သည့် ရွေးကောက်ပွဲ ကျင်းပနိုင်ခဲ့သည်မှာ ၄ နှစ်ပြည့်ချိန် ဖြစ်သလို နောက်ထပ်ရွေး ကောက်ပွဲ ကျင်းပရန် ၁ နှစ်သာ လိုတော့သည့် အချိန်လည်း ဖြစ်သည်။ ထို့အပြင် နိုင်ငံ့ခေါင်းဆောင်များ တက်ရောက်မည့် အာဆီယံ ထိပ်သီး အစည်းအဝေးကို မြန်မာနိုင်ငံက အိမ်ရှင်အဖြစ် လက်ခံကျင်းပပေး ရမည့် လလည်းဖြစ်သည်။

တနည်းဆိုရသော် ပြီးခဲ့သည့် ၄ နှစ်တာ ကာလအတွင်း မြန်မာနိုင်ငံက ဆောင်ရွက်ခဲ့သည် များ၏ တိုးတက် အောင်မြင် မှုကို အကဲဖြတ်နိုင်မည့် အချိန်လည်းဖြစ်သည်။ ထို့အပြင် အရှေ့တောင်အာရှ၏ ပြဿနာ အထူ ဆုံး နိုင်ငံဟု ဆိုကောင်း ဆိုနိုင်သည့် အခြေအနေတွင် ကာလရှည်စွာ ရှိနေခဲ့သော နိုင်ငံ၏အနာဂတ်တွင် မည်သို့ဖြစ်လာမည်ကို မြင်တွေ့ခွင့် လည်း ရမည် ဖြစ်သည်။

ကုလားဖန်ထိုးသည့် ကစားပွဲ

၂၀၁၀ ပြည့်နှစ် နိုဝင်ဘာလတွင် ကျင်းပခဲ့သော ရွေးကောက်ပွဲသည် လွတ်လပ်မျှတမှုနှင့် ဝေးကွာခဲ့ကြောင်း မကြာခဏ မေ့လျော့နေကြ ပါသည်။ အစိုးရကိုယ်တိုင်၏ အမှတ်တမဲ့ ထုတ်ပြန် ချက်များသည်ပင် ၂၀၁၀ ရွေးကောက်ပွဲ ရိုးသားမှု မရှိကြောင်း ဖော်ပြနေသည်။ ပဲခူးဒေသမှ မဲဆန္ဒနယ်တခုတွင် မဲဆန္ဒရှင် ၁၀၂ ဒသမ ၉ ရာခိုင်နှုန်းက မဲပေးခဲ့ကြသည်ဟု ဖော်ပြခဲ့သည့်  ယခင်သတင်းကို  ပြင်ဆင်ကြောင်း နိုဝင်ဘာလ ၁၆ ရက်နေ့က အစိုးရပိုင် မီဒီယာများတွင် ဖော်ပြခဲ့သည်။ ကိန်းဂဏန်းအမှန်မှာ ၉၉ ဒသမ ၅၇ ရာခိုင်နှုန်းဖြစ်သည်ဟု အဆိုပါ ကြေညာချက်က ဆိုသည်။

ရခိုင်ပြည်နယ် အနောက်ပိုင်း အမ်းမြို့နယ်တွင်လည်း မဲဆန္ဒရှင် ၁၀၄ ဒသမ ၂၈ ရာခိုင်နှုန်းက မဲပေး ခဲ့သည်ဟု ဆိုခဲ့ပြီးနောက်ပိုင်းတွင် ၇၁ ဒသမ ၇၄ ရာခိုင်နှုန်းသို့ ပြန်လည် ပြင်ဆင်ခဲ့သည်။

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ခိုင်ရေးပါတီ)က ရွေးကောက်ပွဲ ကျင်းပခြင်း မရှိသည့် မဲဆန္ဒနယ်များ တွင် အနိုင်ရရှိသည်ဟု ကြေညာခြင်းများပင် ရှိခဲ့သည်။

အတိုက်အခံပါတီများက အနိုင်ရရှိရန် အလားအလာ ကောင်းနေသော မဲဆန္ဒနယ်များတွင် “ကြိုတင်မဲ” ဟုခေါ်သည့် မဲအမြောက်အမြား ထည့်သွင်း ရေတွက်ပြီး မူလရလဒ်ကို ပြောင်းပြန်ဖြစ်စေခဲ့၏။

ထိုသို့ ပေါ်ပေါ်ထင်ထင် လိမ်လည်မှုများ မြန်မာနိုင်ငံ တဝန်းလုံးတွင် ရှိခဲ့သည်ဟု သတင်းများ ထွက်ပေါ်ခဲ့ သည်။

ထို့အပြင် ၂၀ဝ၈ ခုနှစ် အခြေခံဥပဒေတွင် တပ်မတော်က အမျိုးသားနိုင်ငံရေးတွင် ဦးဆောင်ပါဝင်ရမည်ဟု ပြဋ္ဌာန်း ထားသည်။ ဥပဒေပြု လွှတ်တော် ၂ ရပ်လုံးတွင်လည်း ကိုယ်စားလှယ် အရေအတွက်၏ ၂၅ ရာခိုင်နှုန်းကို ရယူထား သည်။

အခန်း ၁၂ တွင်လည်း အခြေခံဥပဒေ ပြင်ဆင်ရေး အတွက် ရှုပ်ထွေးသော လုပ်ထုံးလုပ်နည်းများ ထည့်သွင်း ထားသည်။ လက်ရှိအုပ်ချုပ်ပုံကို ပြောင်းလဲရေးတွင် စစ်တပ်ကို ထိရောက်သည့် ဗီတိုအာဏာ အပ်နှင်းပေး ထားသည်။
အသေးစား ပြင်ဆင်ပြောင်းလဲရေး အတွက် လွှတ်တော်ကိုယ်စားလှယ် ၂၀ ရာခိုင်နှုန်းက ဥပဒေကြမ်း တင်သွင်းမှ သာလျှင် စဉ်းစားသွားမည် ဖြစ်သည်။

သို့သော်လည်း အဓိကအချက်များ ပြင်ဆင်လိုလျှင်မူ လွှတ်တော်ကိုယ်စားလှယ် ၇၅ ရာခိုင်နှုန်းကျော်၏ ထောက်ခံမှု ရရှိနိုင်မည်ဟု အပိုဒ် ၁၀၄ တွင် ဖော်ပြထားသည်။

ထို့နောက် ပြည်လုံးကျွတ် ဆန္ဒခံယူပွဲ ကျင်းပရန် လိုအပ်ပြီး ဆန္ဒမဲ ပေးခွင့်ရှိသူ အားလုံး၏ ၅၀ ရာခိုင်နှုန်း ကျော်က ထောက်ခံရမည် ဖြစ်သည်။

မြန်မာနိုင်ငံ၏ အခြေခံဥပဒေသည် အတုအယောင် ဆန္ဒခံယူပွဲများနှင့် ရှုပ်ထွေးသည့် လုပ်ငန်းစဉ် ပေါင်း စပ်ထားပြီး စစ်တပ်က  စဉ်ဆက်မပြတ် အာဏာကို သွယ်ဝိုက်သောနည်းဖြင့် ချုပ်ကိုင်ထားနိုင်စေရန် ဥပဒေအရ နည်းအမျိုးမျိုးဖြင့် သတ်မှတ်ထားသော အပိုဒ်များကို ပြောင်းလဲ ပြင်ဆင်ရန် မဖြစ်နိုင်အောင် ပြုလုပ်ထားသည်။

၁၉၇၃ ခုနှစ်က ၁၉၇၄ အခြေခံဥပဒေ အတွက် ပြုလုပ်ခဲ့သော ဆန္ဒခံယူပွဲကလည်း ၂၀ဝ၈ ဖွဲ့စည်းပုံကဲ့သို့ပင် ယုံကြည်လက်ခံနိုင်စရာ မရှိသည့် ဆန္ဒခံယူပွဲဖြစ်ခဲ့သည်။ အကယ်၍ အခြေအနေကို ထိန်းချုပ်နိုင်ခြင်း မရှိခဲ့လျှင်လည်း ပုဒ်မ ၄၁၃ တွင် သမ္မတက အုပ်ချုပ်ရေးနှင့် တရားစီရင်ရေး အာဏာများကို ကာကွယ်ရေး ဦးစီးချုပ်သို့ လွှဲပြောင်းပေးရန် ခွင့်ပြုထားသည်။

အမှန်တရားကိုမျက်ကွယ်ပြုခြင်း

၂၀၁၀ နိုဝင်ဘာလ ရွေးကောက်ပွဲပြီး၍ များမကြာမီအချိန်တွင် အတိုက်အခံ ခေါင်းဆောင် ဒေါ်အောင်ဆန်း စုကြည်ကို နေအိမ်အကျယ်ချုပ်မှ လွှတ်ပေးလိုက်ခြင်း၊ သမ္မတဦးသိန်းစိန်က နိုင်ငံရေးအကျဉ်းသား ရာပေါင်း များစွာကို ပြန်လွှတ် ပေးခြင်း၊ စာနယ်ဇင်း လွတ်လပ်ခွင့် အတွက် ကတိပြုခြင်း၊ တိုင်းရင်းသား လက်နက် ကိုင်များနှင့် ပြည်တွင်းစစ်ကို ငြိမ်းချမ်းသော နည်းဖြင့် ဖြေရှင်းလိုကြောင်း ပြောကြားခဲ့ခြင်း များကြောင့် နိုင်ငံခြားပညာရှင်များနှင့် အဖွဲ့အစည်းများက အခြေခံဥပဒေဆိုင်ရာ အခက်အခဲ အတားအဆီးများနှင့် လူတဦးတယောက် သို့မဟုတ် အဖွဲ့အစည်းတခု၏ အကျိုး အတွက် ဦးတည်ထားခြင်းများကို အပြစ်မယူဘဲ ခွင့်လွှတ်ခဲ့ကြသည်။ ဦးသိန်းစိန်သည် မျက်နှာသစ်တဦး မဟုတ်သည် ကိုလည်း မေ့လျော့ခဲ့ကြသည်။

ဦးသိန်းစိန်၏ သမ္မတသက်တမ်း အစပိုင်းလများ အတွင်း ကမ္ဘာတလွှားရှိ အရပ်ဘက် လူ့အဖွဲ့အစည်းများက သပိတ်မှောက်ထားသည့် အပယ်ခံနိုင်ငံ အဖြစ်မှ နိုင်ငံတကာ အသိုင်းအဝိုင်း၏ အလေးထားမှုကို ရရှိသော နိုင်ငံ အဖြစ်သို့ ပြောင်းလဲ လာခဲ့သည်။

ဥရောပသမဂ္ဂက ဒဏ်ခတ်ပိတ်ဆို့မှု အားလုံးကို ပယ်ဖျက်ပေးခဲ့ကာ အမေရိကန် ကလည်း တချို့ကို ရုပ်သိမ်း ပေးခဲ့သည်။

ထို့နောက် အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ကို မြန်မာနိုင်ငံသို့ ၂၀၁၁ ခုနှစ် နိုဝင်ဘာ လတွင် စေလွှတ်ခဲ့ပြီးနောက် တနှစ်ကြာသည့်အခါ အမေရိကန်သမ္မတ ဘားရက် အိုဘားမားလည်း ရောက်ရှိ လာခဲ့သည်။ ၂၀၁၃ ခုနှစ် မေလတွင် ဦးသိန်းစိန် အမေရိကန်နိုင်ငံသို့ သွားရောက်ခဲ့သည်။

ဝါရှင်တန်မြို့တော်မှ ပညာရှင်များလည်း ပိုပြီး အလုပ် လုပ်လာကြပြီး ခါတော်မီ ကျွမ်းကျင်သူများက မြန်မာ နိုင်ငံမှ ပြုပြင်ပြောင်းလဲရေးကို  စတင်ချီးမွမ်း မြှောက်ပင့်လာကြသည်။ ၁၉၆၂ ခုနှစ်မှ စ၍ စစ်တပ်၏ ကြမ်း တမ်းရက်စက်စွာ အုပ်ချုပ်မှုအောက်၌ ရှိနေခဲ့သော နိုင်ငံတွင် စစ်တပ်က နိုင်ငံရေးတွင် ခိုင်မာစွာ စွက်ဖက် ပါဝင်နေမှုကိုလည်း လျှော့တွက်ခဲ့ကြသည်။

၂၀၁၂ ခုနှစ်နှောင်းပိုင်း၌ စစ်တပ်က မြန်မာနိုင်ငံမြောက်ပိုင်းမှ ကချင်လွတ်လပ်ရေး တပ်မတော် (KIA) ကို အဓိက ထိုးစစ်တခု ပြုလုပ်ခဲ့ပြီးနောက် ဝါရှင်တန် အခြေစိုက် ဗျူဟာနှင့် နိုင်ငံတကာ လေ့လာရေးဌာန(CSIS) က ၂၀၁၃ ခုနှစ်၊ ဇွန်လ ၁၀ ရက် နေ့တွင် အစီရင်ခံစာ တစောင်ထုတ်ပြန်ခဲ့သည်။

အဆိုပါ အစီရင်ခံစာတွင် “မြန်မာနိုင်ငံမှ ဒေသဆိုင်ရာ စစ်ဌာနချုပ်များသည် ပုံမှန် အတိုင်းအတာ မဟုတ် သည့် ကိုယ်ပိုင် လုပ်ပိုင်ခွင့်များဖြင့် ကာလကြာရှည်စွာ ပြုမူကျင့်သုံး ခဲ့ကြသည်၊ စစ်တိုင်းမှူး အမြောက် အမြားက ၎င်းတို့ တာဝန် ယူရသည့် ဒေသများကို ပုဂ္ဂိုလ်ရေး အရ အပိုင်စားရသည့် နေရာများ သဖွယ် သဘောထားခဲ့ကြသည်၊

အာဏာသိမ်း စစ်အစိုးရ အုပ်ချုပ်သည့် နိုင်ငံတွင် လက်နက်ကိုင် တော်လှန်သည့် အဖွဲ့ အနည်းဆုံး တဒါဇင် ခန့်နှင့် ရင်ဆိုင်နေရ ချိန်ဆိုလျှင် ထူးခြားချက် မဟုတ်ဘဲ နားလည်နိုင်သည့် ကိစ္စဖြစ်သည်၊ သို့သော်လည်း ဒီမိုကရေစီ ပေါ်ပေါက် လာပြီး အမျိုးသား ပြန်လည်သင့်မြတ်ရေးကို ဦးတည်နေသည့် အချိန်တွင်မူ အစိုးရ အပေါ် ယုံကြည်မှု ပျက်စီးစေပြီး စစ်တပ်၏ လူနည်းစု အစိတ်အပိုင်း တခုကို အဖျက်သမားများ အဖြစ် လုပ်ဆောင်ရန် ခွင့်ပြုသလို ဖြစ်နေသည်” ဟု ဖော်ပြထားသည်။

KIA ကို တိုက်ခိုက်သည့် အချိန်တွင် စစ်တပ်က ရုရှားနိုင်ငံမှ ထောက်ပံ့ပေးထားသည့် ဟိုင်းအမျိုးအစား တိုက်ခိုက်ရေး ရဟတ်ယာဉ်များ၊ တရုတ်နိုင်ငံလုပ် မြေပြင်တိုက်ခိုက်ရေး လေယာဉ်များ၊ လက်နက်ကြီးများနှင့် တင့်ကားများကိုပင် အသုံးပြုခဲ့သည်။

KIA ကို တိုက်ခိုက်ရန် အမိန့်သည် နေပြည်တော်ရှိ အကြီးဆုံးနေရာမှ ရောက်လာခြင်း ဖြစ်သည်။ သမ္မတ ဦးသိန်းစိန်အနေဖြင့် ထိုသို့ဖြစ်ပွားခြင်းမှ တားဆီးရန် ဆန္ဒရှိခဲ့လျှင် တားဆီးနိုင်စွမ်း မရှိခဲ့သည်မှာ သံသယ ဖြစ်ဖွယ်ပင်။

အမေရိကန်နိုင်ငံ Johns Hopkins School of Advanced International Studies မှ 38 North အမည်ရှိ ကိုရီးယား လေ့လာရေး ဌာနအတွက် ရေးသားခဲ့ပြီး ၂၀၁၃ ခုနှစ်၊ ဇန်နဝါရီလ ၈ ရက်နေ့ တွင်ထုတ်ပြန်ခဲ့သည့် 38 North အမည်ရှိ အစီရင်ခံစာ တစောင်တွင် Melissa Henham က မြန်မာနှင့် မြောက်ကိုရီးယား စစ်ရေး ပူးပေါင်းဆောင်ရွက်မှုနှင့် ပတ်သက်၍ စနစ်တကျ စုဆောင်းထားသော သတင်းများကို မေးခွန်းထုတ်ခဲ့သည်။

“စစ်အစိုးရကို မယုံကြည်သည့် သဘောထားချင်း မတိုက်ဆိုင်သူများက ၂၀ဝ၈ ခုနှစ်အတွင်း မြန်မာ အဆင့် မြင့် အရာရှိများ မြောက်ကိုရီးယားသို့ သွားရောက် လည်ပတ်ခဲ့သည့် ခရီးစဉ်တခု၏ သတင်းနှင့် ဓာတ်ပုံများ ကို ထုတ်ပေးခဲ့ကြသည်။

ထိုခရီးစဉ်တွင် အီဂျစ်၊ ဆီးရီးယားနှင့် အီရန်နိုင်ငံများသို့ တင်ပို့ရန် ချိတ်ဆက်ထားသည့် စကတ်ဒ် ဒုံးကျည် ထုတ်လုပ် သည့် စက်ရုံတခု အပါအဝင် လက်နက်စက်ရုံများသို့ သွားရောက်ခဲ့ကြသည်” ဟု အဆိုပါ အစီရင် ခံစာတွင် ဖော်ပြထား သည်။

သံသယဖြစ်ဖွယ်ရာ သတင်းပေးပို့မှုသည် မြန်မာစစ်တပ် ခေါင်းဆောင်များနှင့် မြောက်ကိုရီးယား၏ ပတ်သက် မှု အပေါ် စိုးရိမ် ပူပန်ကြသည့် မြန်မာအစိုးရ အရပ်ဘက် ဝန်ထမ်းများထံမှ ထွက်ပေါ်လာခဲ့ခြင်း ဖြစ်သည်။

အမေရိကန် အစိုးရက မြန်မာနိုင်ငံနှင့် ပတ်သက်၍ အထီးကျန် ဒဏ်ခတ် အရေးယူထားသည့် နိုင်ငံအဖြစ်မှ ပူးတွဲဆောင်ရွက်ခြင်းသို့ မူဝါဒ ပြောင်းလဲလာရခြင်းတွင် မြန်မာစစ်တပ်နှင့် မြောက်ကိုရီးယားတို့၏ ဆက်ဆံ ရေးက အဓိကအကြောင်းရင်း တရပ်ဖြစ်ပြီး နေပြည်တော်မှ မြန်မာအစိုးရကို မြောက်ကိုရီးယားနှင့် အဆက် အသွယ် ဖြတ်တောက်စေရန် ဆွဲဆောင်ခြင်း ဖြစ်သည် ဟု မြန်မာနိုင်ငံမှ အုပ်ချုပ်ရေးပိုင်းကို နှစ်သိမ့်နေရန် စိတ်အားထက်သန်နေသည့် Melissa Henham ယူဆခဲ့သည်။

၂၀၁၁ ခုနှစ်တွင် ပေါ်ပေါ်ထင်ထင် စတင်ခဲ့သည့် ပြုပြင်ပြောင်းလဲရေး များကြောင့် အမေရိကန် မဟုတ်သည့် ပညာရှင်များသည်လည်း မကြာမီမှာပင် အမေရိကန်၏ အတွေးအခေါ်နောက်သို့ လိုက်လာကြသည်။

ဩစတြေးလျ နိုင်ငံ ကင်ဘာရာ (Canberra) တွင် အခြေစိုက်သည့် ပညာရေးဝက်ဘ်ဆိုက် တခုဖြစ်သော New Mandala မှ အယ်ဒီတာ တဦးဖြစ်သည့် နီကိုလပ်စ် ဖာရယ်လီ (Nicholas Farrelly) က သမ္မတ ဦးသိန်းစိန်သည် တိုင်းရင်းသား လက်နက်ကိုင် အဖွဲ့များနှင့် ဆွေးနွေးရေးကို စတင်ဦးဆောင်နိုင်ခဲ့သဖြင့် နိုဗဲလ်ငြိမ်းချမ်းရေးဆုနှင့် ထိုက်တန်သူ ဖြစ်ကြောင်း ၂၀၁၂ ခုနှစ် မေလတွင် ရေးသားခဲ့သည်။

Financial Times သတင်းစာမှ သတင်းထောက်ဟောင်း ဂွင်းရော်ဘင်ဆင် (Gwen Robinson) က မြန်မာ နိုင်ငံမှ ပြုပြင်ပြောင်းလဲရေး သမား ဦးသိန်းစိန်ကို “နားထောင်တတ်သည့် အကြီးအကဲ (the Listener-in-Cheif)”ဟု Foreign Policy မဂ္ဂဇင်းတွင် ၂၀၁၃ ခုနှစ် နိုဝင်ဘာလထုတ်တွင် ရေးသားခဲ့သည့် ဆောင်းပါး တပုဒ်တွင် အမည်ပေးခဲ့သည်။

သူ ထုတ်ဖော်ပြသခဲ့ခြင်း မရှိသည့် အချက်တခုမှာ သူသည် ဦးသိန်းစိန်က အကန့်အသတ်မဲ့နီးပါး အခွင့် အရေး ပေးထားသည့် နိုင်ငံခြားသတင်းထောက် အနည်းငယ်ထဲတွင် တယောက်အပါအဝင် ဖြစ်ပြီး ဦးသိန်း စိန်နှင့်အတူ ခရီးစဉ်များ လိုက်ပါခဲ့ဖူးခြင်း ဖြစ်သည်။

ထိုအချိန်တွင် ဂျာမနီနိုင်ငံမှ တချို့ပညာရှင်များသည် တနိုင်ငံလုံး အတိုင်းအတာဖြင့် ဒီမိုကရေစီ အုံကြွ တောင်းဆိုမှုများ ဖြစ်ပွားခဲ့သည့် သွေးလွှမ်းသော ၁၉၈၈ ခုနှစ်မှ ဖြစ်ရပ်များ အထိ သမိုင်းကို ပြန်လည် ရေးသားခြင်းဖြင့် အလုပ်များ နေခဲ့ကြသည်။

မြန်မာ့အရေးပညာရှင် ဟန့်စ်ဘန်းဇိုလ်နာ (Hans Bernd Zollner) က အာဏာရှင် ဦးနေဝင်းက ၁၉၈၈ ခုနှစ်၊ ဇူလိုင်လ ၂၃ ရက်နေ့တွင် ရေဒီယိုမှ နေ၍ အကယ်၍ ဆန္ဒပြပွဲများ ထပ်မံဖြစ်ပေါ်လာခဲ့လျှင် တပ်မတော်က မိုးပေါ်ထောင်ပစ်မည် မဟုတ်၊ တည့်တည့်သာ ပစ်လိမ့်မည်ဟု အမှန်တကယ်ပြောကြားခဲ့ခြင်း ရှိမရှိ မေးခွန်းထုတ် လိုက်သည်။

ဩဂုတ်လတွင် ထိုအတိုင်း တကယ်ဖြစ်လာခဲ့ပြီး လမ်းပေါ်သို့ထွက်၍ တိုင်းပြည်ကို အုပ်ချုပ်သူများ အပေါ် မကျေနပ်မှုများကို မျိုသိပ်မထားနိုင်တော့ဘဲ ဖော်ထုတ်လာကြသည့် ပြည်သူထောင်ပေါင်းများစွာကို စစ်တပ်က ပစ်သတ်ခဲ့သည်။ ထိုသို့ အစုအပြုံလိုက် သတ်ဖြတ်ခြင်းကြောင့် နိုင်ငံတကာမှ ဒဏ်ခတ်ပိတ်ဆို့ အရေးယူခြင်းနှင့် သပိတ်မှောက်ခြင်းများ ဖြစ်ပေါ်စေခဲ့၏။

Nordic Institute of Asian Studies မှ မကြာသေးမီက ထုတ်ဝေခဲ့သည့် မြန်မာနိုင်ငံနှင့် ပတ်သက်သည့် စာအုပ်တွင် ဂျာမနီနိုင်ငံ Frankfurt ရှိ Goethe တက္ကသိုလ်မှ Michael Lidauer ၁၉၉၀ ခုနှစ်၊ မေလ ၂၇ ရက်နေ့တွင် ပြုလုပ်ခဲ့ သော ရွေးကောက်ပွဲနှင့် ပတ်သက်၍ “မဲရလဒ်များ မရရှိမီ အချိန်မှာပင် နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့ (နဝတ) က အခြေခံဥပဒေသစ် ရေးဆွဲပြီးမှ သာလျှင် အရပ်သား အစိုးရကို အာဏာလွှဲပြောင်းပေးလိမ့်မည် ဖြစ်သည်ဟု ကြေညာခဲ့သည်။ ထိုလုပ်ငန်းစဉ်သည် ဆယ်စုနှစ် ၂ ခု ကြာမြင့်ခဲ့သည်” ဟု ရေးသားခဲ့သည်။ အမှန် တကယ်အားဖြင့် ထိုကြေညာချက်သည် ရွေးကောက် ပွဲပြု လုပ်အပြီး ၂ လကြာသည့် ဇူလိုင်လ ၂၇ ရက်နေ့ကျမှ ထွက်ပေါ် လာခဲ့ခြင်း ဖြစ်သည်။

ပထဝီနိုင်ငံရေး အရှိတရား

ထို့ကြောင့် ပြီးခဲ့သည့် ၄ နှစ်တာ ကာလကို အလေးအနက် သုံးသပ်ကြည့်ပါက မည်သို့ အဖြေထုတ် နိုင် မည်နည်း။ ပထမဆုံး အနေဖြင့် ပြောရလျှင် မြန်မာစစ်ဗိုလ်ချုပ်များက ဒီမိုကရေစီ လမ်းကြောင်းအတိုင်း သွားပြီး အရပ်သားများသို့ အာဏာလွှဲပြောင်းပေးရန် ဆုံးဖြတ်ခဲ့သည် ဆိုသည့် ဖြစ်နိုင်ခြေကို ငြင်းပယ် ရပေလိမ့်မည်။

ရန်ကုန်နှင့် ဘန်ကောက် အခြေစိုက် အနောက်တိုင်း သံတမန်များ ပြောကြသလို မြန်မာစစ်တပ်မှ အဆင့်မြင့် အရာရှိများ အာဆီယံဒေသတွင်း နိုင်ငံများဖြစ်သော ထိုင်း၊ မလေးရှား၊ စင်ကာပူနှင့် အင်ဒိုနီးရှား နိုင်ငံများသို့ သွားရောက် လည်ပတ် လေ့လာခဲ့ကြပြီး ပိုမိုလွတ်လပ်သော နိုင်ငံရေးနှင့် စီးပွားရေးစနစ်များဖြင့် တိုးတက် နေကြပုံ များကို တွေ့မြင်ခဲ့ကြပြီးနောက် မိမိတို့နိုင်ငံတွင် မူဝါဒသစ်များ အကောင်အထည်ဖော်ရန် ဆုံးဖြတ်ခဲ့သည်ဟု ယူဆရန် ကလည်း အလားတူပင် မဖြစ်နိုင်ပါ။

ထိုအဆိုသည် ၁၉၆၂ ခုနှစ် အာဏာသိမ်းပြီးနောက် ပိုင်းကာလများတွင် နိုင်ငံရပ်ခြားများသို့ သွားရောက်နိုင် သော လူနည်းစုသည် စစ်ဗိုလ်ချုပ်များနှင့် ၎င်းတို့၏ မိသားစုဝင်များသာ ဖြစ်ကြသည်ဆို သည့်အချက်ကို ထည့်သွင်း စဉ်းစားပါက မဖြစ်နိုင်သည်ကို တွေ့ရမည် ဖြစ်သည်။

အဖြေက ရှင်းပါသည်။ ပထဝီနိုင်ငံရေးနှင့် စစ်အရာရှိကြီးများက မြန်မာပြည်သူများကို အားလုံးကို ခေတ် အဆက်ဆက် ကျင့်သုံးလာခဲ့သော ဖိနှိပ်ကန့်သတ်သည့် စနစ်များဖြင့် ဆက်လက်ထိန်းချုပ်ထားရန် မဖြစ်နိုင် သည်ကို သိနားလည်လာ ကြ၍ ဖြစ်ပါသည်။ သူတို့က နိုင်ငံကို နိုင်ငံတကာမှ လက်ခံနိုင်သော အသွင် သဏ္ဌာန် မျိုးဖြင့် သူတို့၏ ကိုယ်ကျိုး စီးပွား အတွက်လည်း ပိုမိုအဆင်ပြေစေမည့် အနေအထားသို့ ပြောင်း လဲပြီး နိုင်ငံကို ဆက်လက်ချုပ်ကိုင် လိုကြသည်။

နိုင်ငံတကာက စီးပွားရေးပိတ်ဆို့မှုများကို ဖြေလျှော့ပေးလိုက်ပြီး နောက်တွင် မြန်မာနိုင်ငံသည် အပြည်ပြည်ဆိုင်ရာ ငွေကြေး ရန်ပုံငွေအဖွဲ့ (IMF) နှင့်ကမ္ဘာ့ဘဏ် အစရှိသော ငွေချေးသည့် အဖွဲ့ အစည်းများ နှင့်လည်း ထိတွေ့ဆက်ဆံ လာနိုင် ခဲ့သည်။

လေ့လာစောင့်ကြည့်သူများက မျှော်လင့်ထားသည့် အဆင့်အထိ မရောက်ရှိခဲ့သော်လည်း နိုင်ငံခြား ရင်းမြှုပ် နှံမှုများ တစိမ့်စိမ့် စီးဝင်လာသည့် အချိန်တွင် မြင့်တက်လာသည့် အကျင့်ပျက်ခြစားမှုနှင့် ဗျူရိုကရေစီ အတား အဆီးများက အရှိန်အဟုန်ကို နှေးကွေးစေခဲ့သည်။

တရားဝင် ထုတ်ပြန်ထားသော ကိန်းဂဏန်း အချက်အလက်များ အရ အိမ်နီးချင်း နိုင်ငံများနှင့် ကုန်သွယ်မှုမှာ တိုးတက်လာသော်လည်း နိုင်ငံခြား တိုက်ရိုက်ရင်းနှီးမြှုပ်နှံမှု (FDI) မှာ ၂၀၁၄ ခုနှစ် ဧပြီလအတွင်း ဒေါ်လာ ၂၅၉ ဒသမ ၆ သန်းဖြင့် နိမ့်ပါးစွာ ရပ်တည်လျက်ရှိပြီး ထိုပမာဏမှာ ၂၀၁၂ ခုနှစ်မှ စတင်၍ တွက်ချက် ရရှိသည့် တလ ပျမ်းမျှ ဒေါ်လာ၂၉၆ ဒသမ ၇ သန်းထက်ပင် နည်းပါးနေသည်ကို တွေ့ရှိရသည်။

သို့သော်လည်း မြန်မာနိုင်ငံသည် ယခင်က တရုတ်အပေါ် အားထားမှီခို နေရသည်ကို များစွာ လျှော့ချနိုင်ခဲ့ပြီး ထိုအချက် သည်ပင်လျှင် ယခုပြုလုပ် နေသည့် ပြုပြင်ပြောင်းလဲရေး ဟုဆိုသည့် လုပ်ငန်းစဉ်များ အတွက် နောက်ကွယ်မှ အဓိကတွန်းအား တရပ်လည်း ဖြစ်သည်။

ပထဝီနိုင်ငံရေးသည် အနောက် နိုင်ငံကြီးများ အတွက်လည်း အရေးကြီးသော အချက် တခုဖြစ်သည်။ အထူး သဖြင့် အမေရိကန်ပြည် ထောင်စုလို အင်အားကြီးနိုင်ငံမျိုး အတွက် ဖြစ်သည်။

ဒီမိုကရေစီနှင့် လူ့အခွင့်အရေး ကိစ္စများ အတွက် ဟန်ပြ ကတိစကားများ ပေးလာသည့် အချိန်တွင် အမေရိ ကန် က ၎င်း၏ မူဝါဒကို ပြောင်းလဲလာခဲ့ သည်။ အဘယ်ကြောင့်ဆိုသော် ယခင်က ထားရှိခဲ့သော ပြစ်တင် ရှုတ်ချမှုများနှင့် စီးပွားရေး ပိတ်ဆို့မှုများကြောင့် တရုတ်နိုင်ငံနှင့် အတိုင်းအဆမရှိ ရင်းနှီးသော ဆက်ဆံရေး ရရှိသွားခဲ့ခြင်းကြောင့် ဖြစ်သည်။

အမေရိကန်၏ နည်းဗျူဟာ ပိုင်းဆိုင်ရာ စိုးရိမ်ပူပန်မှုများကို အမေရိကန် လုံခြုံရေး ကျွမ်းကျင်သူနှင့် စီအိုင် အေမှ ဆန်းစစ် လေ့လာသူ အရာရှိဟောင်း Marvin Ott က Los Angeles Times ၌ ၁၉၉၇ ခုနှစ် ဇွန်လအတွင်းက သတင်း တပုဒ် ရေးသားခဲ့သည်။

“အမေရိကန် နိုင်ငံဟာ မြန်မာနိုင်ငံမှာ ဖြစ်ပေါ်လျက်ရှိတဲ့ အခွင့်အရေး ချိုးဖောက်မှုတွေ၊ ဖိနှိပ်ခံရမှုတွေ အတွက် ဆက်လက်ပြီး ဝေဖန်ပြောဆို တာတွေကို လုပ်နိုင်ပါတယ်၊ လုပ်လည်း လုပ်သင့်ပါတယ်။ ဒါပေမယ့် အဲဒီမှာ လုံခြုံရေး ကိစ္စတွေ၊ တခြား အမျိုးသားရေး ဆိုင်ရာ ကိစ္စရပ်တွေ လုပ်ဆောင်စရာတွေလည်း ရှိနေပါတယ်။ အဲဒီအတွက်ကို တခြား နည်းလမ်းတွေ ပြောင်းလဲသုံးစွဲဖို့ အချိန်ကျပြီလို့ ထင်ပါတယ်” ဟု Ott က သုံးသပ်ခဲ့သည်။

၂၀ဝ၀ ပြည့်နှစ် အစောပိုင်းကာလများတွင် မြန်မာနှင့် မြောက်ကိုးရီးယား နိုင်ငံအကြား စစ်ရေး အရ ပူးပေါင်း လုပ်ဆောင်မှုများ ရှိနေသည်ဟု သတင်းများထွက်ပေါ်ခဲ့ပြီး နောက်ပိုင်းတွင် အမေရိကန်နိုင်ငံ အနေဖြင့် ဆက်ဆံရေးကို ဟန်ချက် ညီမျှအောင် ပြုလုပ်ရန် ဖြစ်လာခဲ့သည်။

မြောက်ကိုရီးယားက  မြန်မာနိုင်ငံသို့ ဥမင်လိုဏ်ခေါင်းတူးခြင်းနှင့် ပတ်သက်သော ကျွမ်းကျင်မှု အတတ်ပညာ ထောက်ပံ့ပေးခြင်း အပြင် လက်နက်ကြီးများ၊ ရေဒါနှင့် လေကြောင်းကာကွယ်ရေး စနစ်များ ရောင်းချပေးခဲ့ပြီး အမြောက်နှင့် ဒုံးကျည်ဆိုင်ရာ နည်းပညာများကို ပေးအပ်ခဲ့သည်ဟု အာရှနှင့် အနောက်တိုင်း ထောက်လှမ်း ရေး အဖွဲ့အစည်းများက စွပ်စွဲခဲ့ကြသည်။

တချိန်တည်းမှာပင် မြန်မာစစ်တပ်ဘက်မှလည်း တရုတ်အပေါ် မှီခိုရမှုများ ကြီးထွားလာမည်ကို စိုးရိမ်လာ ခဲ့ကြသည်။ ၂၀ဝ၄ ခုနှစ် ဩဂုတ်လ အစောပိုင်းတွင် စာမျက်နှာ ၃၄၆ မျက်နှာပါ “A Study of Myanmar – US Relations” အမည်ရှိ စာတမ်းတစောင်ကို ပြင်ဦးလွင်မြို့ရှိ စစ်တက္ကသိုလ်တွင် ရေးသားပြုစုခဲ့သည်။

ထိုစာတမ်းတွင် မြန်မာနိုင်ငံက တရုတ်နိုင်ငံ အပေါ် သံတမန်ရေးရာ မိတ်ဖက်အဖြစ် လည်းကောင်း၊ စီးပွား ရေးဆိုင်ရာ ထောက်ပံ့သူ အဖြစ်  မှီခိုနေရခြင်းက လည်းကောင်း တိုင်းပြည်၏ လွတ်လပ်ရေးကို ထိပါးလာနိုင် သည့် အမျိုးသား အရေးပေါ် အခြေအနေကို ဖန်တီးနိုင်ကြောင်း ဖော်ပြထားခဲ့သည်။

ထို့ကြောင့် မြန်မာနိုင်ငံအနေဖြင့် အစိုးရသစ် ရွေးကောက်ပြီးချိန်၌ အနောက်နိုင်ငံနှင့် ဆက်ဆံရေးကို ပုံမှန်ဖြစ် ပေါ်လာစေရန် ပြုလုပ်ရန် လိုအပ်သည်။ သို့မှသာလျှင် အစိုးရ အနေဖြင့် ကမ္ဘာနှင့် ပိုမိုကောင်းမွန်စွာ ဆက်ဆံ နိုင်လိမ့်မည် ဟုလည်း စာတမ်းတွင် ဖော်ပြထားသည်။

ထိုအချက်ကို ကြည့်ခြင်းအားဖြင့်   မူဝါဒချမှတ်သူများသည်  မြန်မာနိုင်ငံက တရုတ်အပေါ် မှီခိုနေမှုကို လျှော့ချခြင်း မပြုမီကာလနှင့် အနောက်နိုင်ငံများနှင့် ရင်းနှီးသော ဆက်ဆံရေး တည်ဆောက်ခြင်း မပြုမီ ကာလများအတွင်း ဖြေရှင်းရမည့် ပြဿနာများကို ကြိုတင် သိမြင်ထားပြီး ဖြစ်ကြောင်း တွေ့ရှိရသည်။

၂၀ဝ၄ ခုနှစ် အတွင်းရှိခဲ့သော အဓိကပြဿနာမှာ ဒေါ်အောင်ဆန်းစုကြည်ကို ထိန်းသိမ်းထားခြင်း ဖြစ်သည်။

သူ့ကို ထိန်းသိမ်းထားသည့် အချိန်များတွင် ဖိအား ပိုများပြီး ထိန်းသိမ်း မထားပါက ဖိအားလျော့နည်းသည်။ ထို့ကြောင့် ဒေါ်အောင်ဆန်းစုကြည်ကို ပြန်လွှတ်ပေးခြင်းအားဖြင့် အနောက်တိုင်းနှင့် ဆက်ဆံရေးကို တိုးတက်အောင် ပြုလုပ်နိုင်ကြောင်း စာတမ်းတွင် စောင်းပါးရိပ်ခြည် ဖော်ပြထားသည်။ အစီအစဉ်၏ အဆုံးစွန် ရည်မှန်းချက်မှာ အတိုက်အခံများကို ချေမှုန်းရေးသာ ဖြစ်ပါသည်။

ထိုစာတမ်းတွင် ထပ်မံဖော်ပြထားသည်မှာ အစိုးရ အနေဖြင့် မီဒီယာနှင့် ပြည်ပသို့ ရောက်ရှိနေသူများက လုပ်ကိုင်နေသည့် အစိုးရ မဟုတ်သော အဖွဲ့အစည်းများကို ယှဉ်နိုင်ပြိုင်နိုင်ဖွယ် မရှိသည့် အတွက် အမေရိကန် နိုင်ငံရေး သမားများနှင့် လွှတ်တော်အမတ်များကို မြန်မာနိုင်ငံသို့ လာရောက် လည်ပတ်ရန် ဖိတ်ခေါ်နိုင်ခဲ့ပါက နိုင်ငံတကာ၏ မြန်မာအစိုးရအပေါ် ထားရှိသော သဘောထားကို ပြောင်းလဲစေရန် အထောက်အကူ ဖြစ်လာနိုင်သည် ဟူ၍ ဖြစ်သည်။

လတ်တလော နိုင်ငံရေးပြောင်းလဲမှုများ မတိုင်ခင် ကာလများတလျှောက် အမေရိကန်ကွန် ဂရက်အမတ်များ အပါအဝင် အမေရိကန် နိုင်ငံသားများ မြန်မာနိုင်ငံသို့ လာရောက်ခဲ့ကြပြီး ယခင်အစိုးရ လက်ထက်က ပြင်းပြင်ထန်ထန် ရှုတ်ချခဲ့ကြပုံမျိုးနှင့် မတူဘဲ ပိုမိုအပြုသဘော ဆောင်သော ဝေဖန်မှုများ ပြုခဲ့ကြသည်။

ထိုအမြင်များက ယခုအချိန်တွင် ဝမ်းမြောက်ကျေနပ်ဖွယ်ရာ အဖြစ် ထွက်ပေါ်လာသည်။“မြန်မာနိုင်ငံသာ အောင်မြင်ခဲ့ရင် ကျနော်တို့ အတွက် သေနတ်တချက် မပစ်ရဘဲနဲ့ မိတ်ဖက်နိုင်ငံသစ်တခု ထပ်ရလာမှာ ဖြစ်ပါတယ်” ဟု အမေရိကန် သမ္မတအိုဘားမားက ယခုနှစ် မေလအတွင်းတွင် ပြောကြားခဲ့သည်။

ဤနေရာတွင် သမ္မတအိုဘားမား ပြောကြားခဲ့သော အောင်မြင်ခဲ့ရင်ဆိုသည်မှာ အမျိုးသား ပြန်လည် သင့်မြတ်ရေးနှင့် ပြုပြင်ပြောင်းလဲရေး လုပ်ငန်းစဉ်များကို ဆိုလိုခဲ့ခြင်း ဖြစ်သည်။ သို့သော်လည်း သမ္မတအိုဘားမား စိတ်ကူးထားသော အာရှကို အလေးပေးသည့် “Asian Pivot” အစီအစဉ် အတွက်မူ မြန်မာနိုင်ငံကို တရုတ်လွှမ်းမိုးမှုမှ ခွဲထုတ်နိုင်ရေးသည် ထပ်တူထပ်မျှ အရေးကြီးသည့် အကြောင်းရင်း တရပ်မဟုတ်ဟု မယူဆနိုင်ပါ။

အဓိကစိတ်ပျက်ရခြင်းများ

တရုတ်နိုင်ငံသည်  အဓိက စိုးရိမ်စရာတခု မဟုတ်လျှင်ပင် အမေရိကန်၊ အနောက်နိုင်ငံများနှင့် တခြား ဒီမိုကရေစီ နိုင်ငံများသည် မြန်မာနိုင်ငံတွင် ဒီမိုကရေစီ စနစ်သို့ ဦးတည်သွားနေသည် ဟု အများက မျှော် လင့်ထားကြသည့် ဖြစ်စဉ်မှ နေ၍ နောက်ကြောင်းပြန် သွားနေသည့် လတ်တလော အခြေအနေများကို မျက်ကွယ်ပြု မထားသင့်ပါ။

ပထမဆုံးသော စိတ်ပျက်စရာ အကြောင်းတခုမှာ ဒေါ်အောင်ဆန်းစုကြည်ကို သမ္မတရာထူးနေရာ ယှဉ်ပြိုင် ခွင့်ရရှိရန် အခြေခံဥပဒေ ပြင်ဆင်ရေးကို ငြင်းပယ်လိုက်ခြင်း ဖြစ်သည်။

ဒေါ်အောင်ဆန်းစုကြည် ကိုယ်တိုင်သည်လည်း စိတ်ပျက်စရာအနည်းနှင့် အများဆိုသလို ကြုံတွေ့ နေရ သည်။ သူ၏ NLD ပါတီသည် ၂၀၁၂ ခုနှစ် ဧပြီလကကျင်းပခဲ့သော ကြားဖြတ်ရွေးကောက်ပွဲ တွင်ကိုယ် စားလှယ် ၄၆ နေရာအနက် ၄၄ နေရာဝင် ရောက် ယှဉ်ပြိုင်ရာ ၄၃ နေရာတွင် အနိုင်ရရှိခဲ့သည်။

ဒေါ်အောင်ဆန်းစုကြည်ကိုယ်တိုင်လည်း အနိုင်ရရှိ သူများထဲတွင် အပါအဝင်ဖြစ်သည်။ သို့သော်လည်း ထိုအချိန်မှစ၍ ဒေါ်အောင်ဆန်းစုကြည်နှင့် NLD ကိုယ်စားလှယ်များသည် အစိုးရ၏ မူဝါဒများနှင့် ပတ်သက်၍ စိန်ခေါ်မှု သို့မဟုတ် ဩဇာလွှမ်းမိုးမှု အနည်းငယ်သာ ပြုလုပ်နိုင်ခဲ့ကြပါသည်။

ဒေါ်အောင်ဆန်း စုကြည်၏ အနီးတွင် ရှိနေသောသူများက လာမည့် နှစ်တွင် ကျင်းပမည့် ရွေးကောက်ပွဲ ပြီးလျှင် NLD က လွှမ်းမိုးသည့် အစိုးရအဖွဲ့ တခုရှိလာမည်ဟု ယုံကြည်ပြီး ရာထူးနေရာ အတွက် စတင် အလုပ်ရှုပ်နေကြသည့် အချိန်တွင် ဒေါ်အောင်ဆန်းစုကြည်က ကချင်ပြည်နယ်မှ စစ်ပွဲနှင့် ရခိုင်ပြည်နယ်မှ မွတ်စလင်များ အတွက် တစုံတရာ ပြောကြားပေးရန် ငြင်းဆန်ခဲ့သည်။

သို့သော်လည်း အကယ်၍ NLD က ၂၀၁၅ ခုနှစ် ရွေးကောက်ပွဲတွင် ကိုယ်စားလှယ်နေရာ အများစု ရရှိခဲ့ လျှင်ပင် ၂၀ဝ၈ ခုနှစ် အခြေခံဥပဒေအရ ဝန်ကြီးများ သို့မဟုတ် ဒုတိယဝန်ကြီးများ အဖြစ် တာဝန်ထမ်း ဆောင်မည့် လွှတ်တော် ကိုယ်စားလှယ်များသည် လွှတ်တော် ကိုယ်စားလှယ် နေရာမှ နုတ်ထွက်ပေးရမည် ဖြစ်သည်။

ထိုသို့သော လစ်လပ်နေရာများကို ပြန်ဖြည့်ရန် အတွက် ၂၀၁၂ ခုနှစ်ကြားဖြတ်ရွေး ကောက်ပွဲကို ကျင်းပခဲ့ခြင်း ဖြစ်သည်။ အစိုးရရာထူး လက်ခံသူများသည် တာဝန်ထမ်းဆောင်စဉ် သက်တမ်း အတွင်းတွင် ပါတီ၏ အရေးကိစ္စ များတွင် ပါဝင် ဆောင်ရွက်ခြင်း မပြုရပေ။

ထို့ကြောင့် ဥပမာအား ဖြင့် ဒေါ်အောင်ဆန်းစုကြည်က ၂၀၁၅ ခုနှစ် ရွေး ကောက်ပွဲနောက်ပိုင်းတွင် ပညာရေး ဝန်ကြီး ဖြစ်လာခဲ့လျှင် သူ့အနေဖြင့် လွှတ်တော်ကိုယ်စားလှယ် တယောက် မဖြစ်နိုင်တော့ဘဲ NLD ပါတီ၏ တာဝန်များကိုလည်း ထမ်းဆောင်နိုင်တော့မည် မဟုတ်ပေ။

စစ်တပ်က လိုချင်သည်မှာလည်း ထိုနည်း အတိုင်း ဖြစ်ကောင်းဖြစ်နိုင် ပါသည်။ ဒေါ်အောင်ဆန်းစုကြည် ဘေးကို ရောက်သွားပြီး ခေတ်သစ် မြန်မာ့နိုင်ငံရေး သမိုင်းမှ သူ၏ အခန်းကဏ္ဍသည်လည်း အနည်းဆုံး ထိုတကြိမ် အတွက်တော့ ပြီးဆုံးသွားမည် ဖြစ်သည်။

၂၀၁၅ ခုနှစ် ရွေးကောက်ပွဲက မြန်မာ့နိုင်ငံရေးတွင် ခေတ်သစ်တခုဆီသို့ ဦးတည်သွားရန် ဖြစ်နိုင် ဖွယ်ရာ မရှိဖို့က ပိုပြီး အလားအလာကောင်း နေပါသည်။ ၂၀ဝ၈ ခုနှစ် အခြေခံဥပဒေ ကလည်း ကြီးမားသော ပြောင်း လဲခြင်း မရှိအောင် တားဆီး ထားသည်။

ပါလီမန်နှင့် အစိုးရက နေ့စဉ်ကိစ္စများကို ဂရုစိုက် လုပ်ဆောင်နေရ ချိန်တွင် စစ်တပ်က အရပ်ဘက်၏ ထိန်းချုပ်မှု သို့မဟုတ် စစ်ဆေးမှု၏ အပြင်ဘက်တွင် ၎င်း၏ ကိုယ်ပိုင် ကိစ္စများကို အာရုံထား လုပ်ဆောင် နေနိုင်ပြီး တချိန်တည်းမှာပင် ပြည်သူများက ပြောင်းလဲရန် ဆန္ဒရှိနေသည့် အခြေခံဥပဒေ ပြင်ဆင်ရေးနှင့် ပတ်သက်၍ လည်း ဗီတိုအာဏာကို ဆက်လက် ကိုင် စွဲသွားမည် ဖြစ်သည်။

ထို့ပြင် ယခုအချိန်တွင် မြန်မာအစိုးရသည် နိုင်ငံတကာ၏ အသိအမှတ်ပြုမှုကို ရရှိခဲ့ပြီး ဖြစ်၍  ဒဏ်ခတ် အရေးယူမှု အများစုကို ရုပ်သိမ်းပေးခဲ့ပြီး ဖြစ်သည်။ ယခင်ကနှင့် နှိုင်းယှဉ်လျှင် ပိုမိုသော လွတ်လပ်ခွင့်များ ပေးခဲ့ပြီး နှစ်အနည်းငယ် အကြာတွင် အစိုးရက သူ့ထိန်းချုပ်မှုကို ခိုင်မာအောင်ပြန်ပြီး ပြုလုပ်နေပြီ ဖြစ်သည်။
သို့သော်လည်း “ပြည်သူထံမှ ဆင်းသက်သည့် အာဏာ” ကို မည်သူမျှ လျှော့မတွက်သင့်ပေ။

ထွက်ပြီးသား ဆင်စွယ် ပြန်ဝင်ရန် ခက်သလို နောက်ကြောင်းပြန် သွားရေးသည် အမြဲလိုပင် အလွန်ခက်ခဲ ပါသည်။

မြန်မာပြည်သူများသည် လွတ်လပ်မှု၏ အရသာကို ခံစားသိရှိပြီး ဖြစ်သည်။ အာဏာရှင် ဆန်သည့် စနစ်ဆီ သို့ ပြန်သွားရန် အားထုတ်မှုမှန်သမျှ ကို ခုခံတော်လှန်ကြမှာ သေချာနေသည်။

မြန်မာ နိုင်ငံအနှံ့အပြားတွင် အစိုးရနှင့် ကုမ္ပဏီကြီး များက ၎င်းတို့ ပိုင်ဆိုင်သော မြေများကို သိမ်းယူသည့် အတွက် ပြည်သူများက ဦးဆောင်သည့် ဆန့်ကျင်တိုက်ပွဲများ ဆက်လက်ဖြစ်ပွားနေသည်က အရှင်းလင်းဆုံး သင်္ကေတ တခုပင် ဖြစ်သည်။

စာနယ်ဇင်းသမားများ ကလည်း ပိုမိုစုစည်းလာကြပြီး လွတ်လပ်စွာ ထုတ်ဖော် ခွင့်နှင့် ပတ်သက်သည့် အခက် အခဲ အတားအဆီးများကို ပိုမိုတောင်းဆိုလာနေကြသည်။

ဒေါ်အောင် ဆန်းစုကြည်သည် မြန်မာနိုင်ငံ၏ ဒီမိုကရေစီလှုပ်ရှား မှုတွင် ခေါင်းဆောင်သူနေရာမှ ပါဝင်သော် လည်း ဖိနှိပ် ကန့်သတ်မှုကို ဆန့်ကျင်ပြောဆိုရန် ပိုပြီးဆန္ဒ ရှိနေသော တခြားသူများလည်း ရှိနေပါသည်။

ပြည်တွင်း စီးပွားရေး သမားများ တိုးတက်လာခြင်းနှင့် နိုင်ငံခြားမှ ရင်းနှီးမြှုပ်နှံမှု အမြောက်အမြား ဝင်ရောက် လာခြင်း ကြောင့် အကျင့်ပျက် ခြစားမှုကို မြင့်တက်စေသည်။ သို့သော်လည်း စစ်တပ်သည် စီးပွားရေးတွင် ၎င်းတချိန်က ရှိခဲ့သည့် အထင်ကရ ခိုင်မာသော နေရာတွင် ဆက်လက် ရပ်တည်နိုင်မှာ မဟုတ်တော့ပေ။

အဘယ်ကြောင့် ဆိုသော် အဆင့်မြင့် အရာရှိအများစုသည် စီးပွားရေး အသိုင်းအဝိုင်း သစ်တွင် အထောက်အပံ့ ပေးမည့်သူများ ရှိနေပြီ ဖြစ်သည်။

သို့သော် စစ်တပ်၏ အားကောင်းခိုင်မာမှု ကျဆင်းသွားခဲ့လျှင်ပင် မြန်မာနိုင်ငံတွင် အင်ဒိုနီးရှား နိုင်ငံမှာကဲ့သို့ စစ်တပ်က နောက်ဆုံးတွင် အုပ်ချုပ်ရေး ကိစ္စများမှ ကိုယ့်သဘောနှင့်ကိုယ် ထွက်ခွာသွား သလိုမျိုး တွေ့ရှိရရန် မဖြစ်နိုင်ပါ။

အလှမ်း မဝေးသည့် ကာလတွင် မြန်မာနိုင်ငံ၌ ဒီမိုကရေစီ ဖော်ဆောင်ရေးသည် အကောင်းအမြင်ဆုံး မျှော်လင့်ထား သည့် အတိုင်း မဖြစ်နိုင်လျှင်ပင် အားလုံးက အချိန်ယူရမည် ဖြစ်သည်။

သို့သော်လည်း အနည်းဆုံးတော့ ယခင်နှစ် အနည်းငယ်က ထက်စာလျှင် အခြေအနေမှန်ကို မြင်တွေ့နေနိုင်ပါသည်။

ယခုအချိန်သည် ပညာရှင်များနှင့် အနောက်တိုင်းမှ လေ့လာစောင့်ကြည့်သူများအနေဖြင့် ၎င်းတို့၏ မျက်မှန်ထူကြီးများ ကို ချွတ်၍ ယနေ့ မြန်မာနိုင်ငံ၏ လက်တွေ့အခြေအနေကို အလေးအနက် ကြည့်ဖို့ အရေး ကြီးသည့် အချိန်ဖြစ်ပါ သည်။ လှပသည့် မြင်ကွင်း တခုတော့ မဟုတ်ပါ။ သို့သော်လည်း ထိုကဲ့သို့တခါ မှ ဖြစ်မနေခဲ့ဖူးပါ။    ။

(ဧရာဝတီအင်္ဂလိပ်ပိုင်းတွင် ဖော်ပြခဲ့သော Bertil Lintner ၏ A Wolf in Sheep’s Clothing: Making Sence of Myanmar’s Political Reforms ကို နိုင်မင်းသွင်နှင့် ဆုလာဘ်ရတနာ ဆီလျော်အောင် ဘာသာပြန်ဆိုသည်။)

 

http://burma.irrawaddy.org/article

Read More